Archive for the ‘لحظات لا تنسى’ Category

من تجليات اسم الله البديع: إوعى تصدق إنك… #تأملات_فارقة #المبدعة_الربانية

إوعى أبدا تحس بالضآلة والدونية لإنك روح الله …وربك اعتنى بيك ورعاك في كل شأن من شؤونك…شوفوا الفيديو علشن تعرفوا عناية ربنا بينا مع كل نفس بناخده …أنا لما بشوف الفيديوهات دي عادة بشعر بامتنان شديد لإني من تجليات إسم الله البديع…النهارده التأمل الإضافي إللي جاللي إن أكتر ذنب ممكن يزعل ربنا مننا إننا في لحظة من اللحظات ننسى قيمتنا ونحس بالضآلة أو الدونية….مينفعش ربك يرعاك في كل نفس بتاخده وتسمح لبشر أو لظروف خارجية تقلل من قيمتك…

إزعل…اغضب…كسر أي حاجة تقابلك…لكن إوعى ولو للحظة واحدة تصدق إنك قليل!
#حب_نفسك_لإن_ربك_بيحبك
#المبدعة_الربانية

صور دمها خفيف (13) يا إسكندرية يا مجنانى

إسكندرية رااائعة فى الشتا..الحمد لله جت لى سفرية مفاجأة هناك من كام يوم وأخدت صور رررائعة فيها صور دمها خفيف 🙂 … “يا إسكندرية يا مجننانى”

hebaaa

محاولة متواضعة منى لتقمص شخصية فنانة هندية ساعدنى عليها ال peircing والصدفة إللى مكتوب عليها حرف إسمى … اشترتيها من عند قلعة قايتباى  …

%d8%ab%d9%84%d8%a7%d8%ab%d9%89-%d8%a7%d9%84%d8%ba%d8%b7%d8%b3-%d8%a7%d9%84%d9%85%d8%b1%d8%ad

 

%d8%a7%d9%84%d8%ad%d8%b5%d8%a7%d9%86-%d8%a8%d8%b1%d8%b3%d9%8a%d9%85-%d8%a7%d9%8a%d8%b3-%d9%83%d8%b1%d9%8a%d9%85

 

**** أنتظروا بقية الصور قريبا ****

“زلزال ورا زلزال … الدنيا إلى زوال” – خواطرى لما حسيت بالزلزال النهارده…

 

%d8%b2%d9%84%d8%b2%d9%84%d8%a9

“زلزال ورا زلزال … الدنيا إلى زوال” 

أنا حسيت بالزلزال إللى حصل النهارده (25 يناير 2017) بوضوح شديد…لقيت اللاب توب بيتهز …سبحان الله …هى كانت هزة خفيفة ومطولتش إنما كان فيها عبرة وتذكرة كلنا محتاجينها …

إِنَّ زَلْزَلَةَ السَّاعَةِ شَيْءٌ عَظِيمٌ” صدق الله العظيم
سبحان الله كنت حكتب الآية القرآنية الكريمة بالتوكيد باللام يعنى تكون “لشىء عظيم” بدل “شىء عظيم” وبعدين ربنا ألهمنى إنى أتحقق من الآية الكريمة لإنى قلت لنفسى إن زلزلة الساعة مش محتاجة أى توكيد وفعلا لقيت الآية الكريمة من غير توكيد…

اللهم قنا عذابك يوم تبعث عباددك واجعلنا من أوليائك وأهل طاعتك…اللهم آمنين

اللهم اجعلنا من الآمنين يوم الفزع الأكبر…اللهم آمين

“أنا أحب اللغة العربية” تشرفت بحضور فعاليات #اليوم_العالمى_للغة_العربية

أنا أحب اللغة العربية” شعار أفخر به فى #اليوم_العالمى_للغة_العربية الموافق 18 ديسمبر  وفى كل يوم. ويكفى لغتنا العربية شرفًا وقدرًا أن الله تعالى أنزل بها القرآن الكريم وذكر فضلها فى مواضع عديدة فى كتابه العزيز…

﴿ إِنَّا أَنزَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ ﴾  ( سورة يوسف الآية: 2)

﴿ وَكَذَلِكَ أَنزَلْنَاهُ قُرْآنًا عَرَبِيًّا ﴾ ( سورة طه الآية: 113)

﴿ نَزَلَ بِهِ الرُّوحُ الْأَمِينُ *عَلَى قَلْبِكَ لِتَكُونَ مِنْ الْمُنذِرِين *بِلِسَانٍ عَرَبِيٍّ مُبِينٍ ﴾ ( سورة الشعراء الآيات: 193-195)

﴿ كِتَابٌ فُصِّلَتْ آيَاتُهُ قُرْآنًا عَرَبِيًّا لِقَوْمٍ يَعْلَمُونَ ﴾ ( سورة فصلت الآية: 3)

﴿ إِنَّا جَعَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ ﴾  ( سورة الزخرف الآية: 3)

%d8%a7%d9%84%d9%8a%d9%88%d9%85-%d8%a7%d9%84%d8%b9%d8%a7%d9%84%d9%85%d9%89-%d9%84%d9%84%d8%ba%d8%a9-%d8%a7%d9%84%d8%b9%d8%b1%d8%a8%d9%8a%d8%a9-18-%d8%af%d9%8a%d8%b3%d9%85%d8%a8%d8%b1

تشرفت بحضور فعاليات اليوم العالمى للغة العربية اليوم الموافق 18 ديمسبر الذى أقيم فى مكتبة قلمى تحت إشراف الشاعر عبد الرحمن مكى “رسول العربية”

اليوم كان أكثر من رائع بشكل يعجز الكلام عن وصفه …تضمن اللقاء مسابقات لغوية للأطفال والكبار شملت:

أولا مسابقة فى الحديث باللغة الفصحى لمدة دقيقة واحدة ممع الحرص سلامة النطقالحروف من مخارجها الصحيحية وعلى القواعد النحوية المرتبطة  بتشكيل  الكلمات

ثانيا مسابقة فى إلقاء الشعر باللغة العربية الفصحى

وقد شاركت فى المسابقتين بطبيعة الحال بسبب عشقى للغة العربية العظيمة …

اللحظة الفارقة بالنسبة لى حينما طرح الأستاذ عبد الرحمن سؤالا هاما للحضور: “لماذا لا نتحدث باللغة العربية الفصحى بين الناس؟

وكانت إجابتى السريعة هى أننى لا أتحدث بالفصحى مع عموم الناس لأنهم قد لا يفهمونها ولكن بعد فترة وجيزة من الصدق مع النفس اتضح لى بوضوح وجلاء أننى لا أتحدث اللغة العربية الفصحى لأننى لا أجيدهها بشكلٍ كافٍ رغم عشقى الشديد لها.

فعلى الرغم من أن كتابى الأول “إشراقة روح 1” باللغة العربية الفصحى (و كذلك كتابى “إشراقة روح 2” الذى شارفت على الإنتهاء من محتواه النصى ولم أبدأ فى رسوماته بعد…) وأيضا قد نشر لى قصتين قصيرتين غلبت عليهما اللغة العربية الفصحى مما يدل على عشقى الواضح لهذه اللغة العظيمة إلا أننى اكتشفت أننى لا أستطيع التحدث بالفصحى بطلاقة وثقة. وبدا ذلك القصور جليّاً اليوم حينما حاولت التحدث لمدة دقيقة واحدة بالفصحى فارتكبت بعض الأخطاء النحوية.

ولذلك كان على أن أقر بتقصيرى فى حق لغتى العظيمة واعترفت لجميع الحضور بهذا الأمر وقررت أن أبدأ بنفسى فاخترت لمسابقة إلقاء الشعر أبيات تتناسب مع هذا المعنى:

يا أيها الرجل الْمُعَلِّمُ غَيْرَهُ *** هَلَّا لِنَفْسِك كَانَ ذَا التَّعْلِيمُ
تَصِفُ الدَّوَاءَ لِذِي السِّقَامِ وَذِي الضَّنَى *** كَيْمَا يَصِحَّ بِهِ وَأَنْتَ سَقِيمُ
ابْدَأْ بِنَفْسِكَ فَانْهَهَا عَنْ غَيِّهَا *** فَإِذَا انْتَهَتْ عَنْهُ فَأَنْتَ حَكِيمُ
فَهُنَاكَ تُعْذَرُ إنْ وَعَظْتَ وَيُقْتَدَى *** بِالْقَوْلِ مِنْكَ وَيحصلُ التسليمُ
لَا تَنْهَ عَنْ خُلُقٍ وَتَأْتِيَ مِثْلَهُ *** عَارٌ عَلَيْك إذَا فَعَلْت عَظِيمُ

كان حضور هذه الفعالية الرائعة بمثابة الفتيل الذى أشعل حماسى لإتقان لغتنا العربية الجميلة…

من أهم توصيات اليوم:

أولا احرص على التحدث بالفصحى يوميًا لدة 10 دقائق على الأقل 

ثانيا استمع لكلام بالفصحى يوميًا  لمدة 10 جقائق على الأقل 

ثالثا انشر بين الناس أهمية الحرص على تعلم وإتقان وممارسة لغتنا العظيمة فهى من صميم عقيدتنا وهويتنا 

%d8%b1%d9%88%d8%b9%d8%a9-%d8%a7%d9%84%d9%84%d8%ba%d8%a9-%d8%a7%d9%84%d8%b9%d8%b1%d8%a8%d9%8a%d8%a9

واسمحوا لى أن أزف إليكم خبرًا سارًا… بمشيئة الله ستبدأ  دروس تقوية الكتابة العربية يوم الأربعاء القادم وتستمر كل يوم أربعاء لمدة شهر فى مكتية قلمى وذلك من الساعة الثالثة عصرا وحتى الخامسة عصرا. 

فهيا يا عشاق لغة القرآن شمروا عن ساعد الجد واحرصوا على إتقان لغتنا الجميلة الجليلة والاعتزاز بها ونشرها بين  الناس. 

img-20161222-wa0001_resized

فيديو اضحك فكر (10) حكايتى العجيييبة فى تعلم الإنجليزى :) سانك يو هابى “فكاكة” ضاى إفرى بوضى هههههه

 استمتعوا معابا بقصتى المضحكة فى تعلم الإنجليزى و علشان تتخيلوا درجة الضحك يكفى إنكم تعرفوا إنى خدت الثانوية العامة من مدرسة حكومة بنات و بعدها دخت الجامعة الأمريكية !!!

سانك يو فر ماطش فروم ظا بوتم أوف ماى هارط إنضيض هابى فكاكة ضاى إفرى بودى ههههههههههههههههههههههههه

لحظات لا تنسى عشتها فى رحلة قناة السويس الجديدة و الإسماعيلية بارليف و تبة الشجرة و النصب التذكارى للجندى المجهول

الحمد لله  رحت رحلة للإسماعيلية و بر القنال و بارليف يوم  24 أكتوبر الرحلة تضمنت  زيارة تبة الشجرة و هى أهم نقطة حصينة على خط بارليف و موجودة شبه جزيرة سيناء وتابعة لمحافظة الإسماعيلية و للوصول لتبة الشجرة عبرنا قناة السوييس الجديدة بالمعدية. تبة الشجرة حصن إسرائيلى عتيد تمكنت قواتنا المسلحة من إقتحامه يوم 8 أكتوبر 1973 مبنى من الخرسانة و غرفه إتصنعت فى إسرائيل و جت مصر بالطيارات! الطوب إللى باين فى الصورة محطوط مخصوص علشان لو إتضرب الرصاص يتفتت بين الصخور و رغم كل التحصينات دى إستطاعت جنودنا الباسلة إقتحام المكان و السيطرة عليه…أول ما شفت منظر الطوب تبادر إلى  ذهنى الآية الكريمة:

“لَا يُقَاتِلُونَكُمْ جَمِيعًا إِلَّا فِي قُرًى مُّحَصَّنَةٍ أَوْ مِن وَرَاءِ جُدُرٍ ۚ بَأْسُهُم بَيْنَهُمْ شَدِيدٌ ۚ تَحْسَبُهُمْ جَمِيعًا وَقُلُوبُهُمْ شَتَّىٰ ۚ ذَٰلِكَ بِأَنَّهُمْ قَوْمٌ لَّا يَعْقِلُونَ” (الحشر 14) صدق الله العظيم

تبة-الشجرة

الرحلة بدأت بالوصول للإسماعيلية  وركوب المعدية نمرة 6 والتى تعبر من الاسماعيلية الى شبه جزيره سيناء عبر المجرى الملاحى لقناه السويس للتوجه الى اهم تقطه حصينه على خط بارليف وهى موقع تبه الشجرة .

ثم توجهنا إلى النصب التذكارى للجندى المجهول و صعدنا لمشاهدة المجرى الملاحى لقناه السويس ثم

توجهنا الى مجرى قناه السويس الجديدة  بالمعدية نمرة 6 مرة اخرى للرجوع الى وسط المدينه بالاسماعيليه وزيارة متحف الاسماعيليه القومى .

بإذن الله حشير لكم باقى صور الرحلة فى أقرب فرصة …

فيديو شكر جزيل لرعاة و منظمى مهرجان تكريم الكاتبات المصريات #مهرجان_نون_النسوة_30_مايو

من لم يشكر الناس لم يشكر الله” بالنيابة عن أكتر من 200 كاتبة تم تكريمهم فى مهرجان تكريم الكاتبات المصريات (مهرجان نون النسوة) أتقدم بجزيل الشكر لكل الرعاة و المنظمين للمهرجان و بإذن الله حضيف لينكات المبادرات المميزة التى ساهمت فى خروج المهرجان بالشكل اللائق ألف شكر على جهدكم المتواصل لإدخال السعادة على قلوب كاتبات مصر المبدعات. أتمنى لكاتبات مصر دوام الإبداع و النجاح و التألق بإذن الله
‫#‏مهرجان_نون_النسوة_30_مايو‬

#‏شكراً_فتحى_المزين‬

فيديو كلاب عسوووولة :) قولوا سبحان الله

 

 الكلاب العسووولة دى صورتها بموبايلى 🙂 الفيديو ده من ألذ الفيديوهات فى تاريخى اليوتوبى إللى قرب على 200 فيديو. علشان الروعة دى انا بعشق كاميرا موبايلى سبحان الله العظيم 

الحمد لله أخدت Top Rated Freelancer Badge من موقع oDesk العالمى

الحمد لله أخدت Top Rated Freelancer Badge من موقع   oDesk العالمى  إللى بشتغل فيه من البيت أون لاين 🙂

لينك بروفايلى على الموقع https://www.odesk.com/users/~01353d334ccde184ad

odesk-top-rated-badge-freelancer-heba-hosny

بالصور إتشرفت بحضور إيفنت مبدعى اليوتوب YouTube MENA Roadshow #YouTubeEG

إتشرفت بحضور إيفنت مبدعى اليوتوب فى ال greek campus الخاص بالجامعة الأمريكية فى شارع الفلكى فى وسط البلد كان إيفنت مفيد جدا إتعملنا فيه إزاى ممكن نحسن أداء قنواتنا على اليوتوب و نستفيد ماديا و كانت فرصة ممتازة إنى أتعرف على فنانين يوتوب مميزين و أكتر 3 حاجات كيفونى فى الإيفنت:

أولا كانت أول مرة ألتقى وجها لوجه بفنان اليوتوب المميز مجدى صبحى (متصورة معا تحت)

ثانيا قسمونا فرق بطريقة عشوائية و إدونا تدريب لذيذ إننا نعمل فكرة فيديو و نمثله  على المسرح 🙂

ثالثا لقيت ترابيزة بنج بونج و لعبت مع ناس حريفة بس سبحان الله الرياضة مبتتنسيش رغم إنى بقالى فترة ملعبتش لكن كنت بكامل لياقتى 🙂

كان يوم جميل بفضل الله خصوصا إنى طبعا جددت ذكرياتى أيام الجامعة 🙂

heba-hosny-youtube-eg

youtube-mena-roadshow-egypt-heba-hosny-3

 

youtube-mena-roadshow-egypt-heba-hosny-2

 

youtube-mena-roadshow-egypt-heba-hosny-1 youtube-mena-roadshow-egypt-heba-hosny-magdy-sobhy

youtube-mena-roadshow auc-greek-campus

 

فيديو عزف سماعى (1) نصير شمة … مااااا أروعك

 

إسمحوا لى أهدى الفيديو للفنان العبقرى الملهم نصير شمة لإنى لما شفت جواره مع الإعلامية منى الشاذلى نزلت إشتريت أروجى العزيز “روكى” 🙂 إن شا الله حعزف سماعى أغنية “الريبع” و هى أول أغنية عزفتها سماعى فى حياتى و بعد كده فى آلة تانية مفاجأة حعزف عليها إتفرجوا هلى الفيديو و إنتوا نعرفوا هى إيه…

ده  فيديو الجيتار المضحك إللى قلتلكم عليه 🙂


الفنان نصير شمة حكى إنه تغلب على أقسى الظروف بالموسيقى رغم إنه إتسجن فترة طويلة و كان محكوم عليه بالإعدام و أخته قتلت يوم ما خرج من السجن لكن حبه للموسيى خلاه قدر يحول القبح إللى فى حياته لجمال و يسامح كل إللى ظلموه …نصير شمة مااااا أروعك

فيديوهات لقاء نصير شمة فى برنامج معكم

 

 

حقيبة الذكريات (2) ألقيت كلمة بمناسبة اليوم العالمى للمرأة فى 2005

كل سنة و و إنتوا طيبيين بمناسبة اليوم العالمى للمرأة 🙂
دى الصورة إللى عملها جوجل إحتفالا باليوم المهم ده…فى 8 مارس 2005 على ما أذكر ألقيت كلمة فى مركز ثقافى فى كندا عن أهمية تنمية مهارات القيادات عند المرأة و مازالت مقتنعة و كان شعار اليوم …

We lead…We Empower…We Inspire
نحن نقود… نحن نقوى…نحن نلهم

جوجل-عيد-المرأة

حدث بالفعل (5) – رحت سفارة أذريبجان بهدف تعميق العلاقات المصرية الأذريباجانية :) #زمبولكم_كده

إسمحوا لى أفتح حقيبة ذكرياتى و أحكى لكم موقف من حياتى…

لما عزت أشترك فى نموذج الأمم المتحدة (MUN) و كانوا حيعملوا محاكاة لمنظمة المؤتمر الإسلامى (OIC) فى الجامعة الأمريكية قريت فى السياسة كتير قوى علشان يبقى عندى معلومات و أعرف أرد لكن هما كانوا عايزن حاجة أهم من المعلومات…فسألونى

هما: لو إنتى رئيسة دولة و قبضتى على ناس متسللين على الحدود ممكن تعذبيهم علشان تاخدى معلومات؟
أنا: لا لإن التعذيب و سيلة غير أخلاقية
هما: حتى لو جت لك معلومات مؤكدة إنهم بيهددوا الأمن القومى للبلاد؟
انا: ما أنا ممكن أعذبهم و يدونى معلومات مضللة يبقى إستفدت إيه؟

بعد توفيق ربنا إصرارى على موقفى و قدرتى على الإقناع و رد الحجة بالحجة هما إللى خلونى إتقبلت مش كل المعلومات إللى فضلت أصمها!

الأجانب بيهمهم المهارات قبل المعلومات و ده ذكاء منهم لإن المعلومات يسهل الحصول عليها لكن هما كانوا عايزين ناس عندهم مهارات إقناع فلما إتقبلت خلونى ممثلة لدولة “أذربيجان” و كنت أول مرة أسمع عنها! و كان مطلوب منى أعمل بحث كامل عنها و إدونى تصريح يزيارة سفارة أذريبجان و طبعا رحت السفارة و قابلت السفير إللى إستقبلنى بحفاوة باااالغة كان الهدف هو تعميق العلاقات المصرية الأذريبجانية 🙂

أيام 🙂

 

مصر_أذريبجان

فيديو إضحك فكر (8) شفت البلطجى؟ لقيته أونطجى #هع

فى الفيديو ده بتلكم عن خبرتى العجيييبة فى التعامل مع النصابين و البلطجية بأنواعهم و إزأى إستخدمت معاهم أسلحة “الشلضومة” و “الجعورة” بنجاح باهر إستعدوا للضحك 🙂

 

رباعية “بلطجى أونطجى

شفت البلطجى؟

لقيته أونطجى
ماسك مطوة فشينك
تقولش حاوى فى سيرك!
الناس فاكرينه برم
أتارى البعيد كوريك!!!
و عجبى!!!

بلاى ليست مجموعة فيديوهات كل حلقات “إضحك فكر”:

صور حفل توقيع كتاب “إشراقة روح” -معرض الكتاب 2015

أشكر كل من شرفنى بحضور حفل توقيع كتاب “إشراقة روح” و كان فيهم أصدقاء ليا على الفيس بوك كانت أول مرة أشوفهم وجها لوجه. الحمد لله من قبل و من بعد و الحمد لله على دعم و تشجيع أصدقائى.

بحمد الله تم حفل التوقيع يوم الجمعة 6 فبراير الساعة 6 مساء بجناح دار ليان للنشر خيمة 2  أثناء فعاليات معرض القاهرة الدولى للكتاب ال46 لعام 2015 بفضل الله.

رسالة و مضمون الكتاب…

إستشعارا منى لأهمية عبادة التدبر فقد ألهمنى الله تعالى أن أبدأ بـتأليف سلسلة من الكتب التفاعلية أستهلها بهذا الكتاب الذى بين أيديكم بهدف إحياء هذه العبادة العظيمة فى القلوب.
و قد تعمدت أن أفرد كتابا لكل آية كريمة لتأكيد معنى الإحتفاء بآيات الله و أن كل آية كريمة فيه تستحق الإعتناء بها و تدبر معانيها بعمق. (فى هذا الكتاب أتناول بالشرح و التحليل و التأمل قوله تعالى: “فلا إقتحم العقبة” (البلد – 11)
و قد آثرت أن تكون الكتب تفعالية بهدف إعطاء القارىء الكريم آلية للتأمل إن جاز التعبير.و إجتهدت فى أن أطرح على القارىء أسئلة تثير فضوله و تشحذ طاقاته الفكرية و تحثه على التعمق فى معانى الآيات و مقاصدها. كما حرصت على أن أنوع فى مصادر الإلهام الفكرى ما بين السؤال المكتوب و المصور فى رسوم كاريكاتير بهدف إضافة عنصرى الإمتاع و التشويق لعبادة التفكر.و الله من وراء القصد. أسألكم الدعاء

حفلة-توقيع-كتاب-إشراقة-روح-معرض-الكتاب-هبة-حسنى-2015-777

 

حفلة-توقيع-كتاب-إشراقة-روح-معرض-الكتاب-هبة-حسنى-2015-35

حفلة-توقيع-كتاب-إشراقة-روح-معرض-الكتاب-هبة-حسنى-2015-29

 

حفلة-توقيع-كتاب-إشراقة-روح-معرض-الكتاب-هبة-حسنى-2015-28

 

 

 

 

 

 

حفلة-توقيع-كتاب-إشراقة-روح-معرض-الكتاب-هبة-حسنى-2015-37

 

 

حفلة-توقيع-كتاب-إشراقة-روح-معرض-الكتاب-هبة-حسنى-2015-21

 

حفلة-توقيع-كتاب-إشراقة-روح-معرض-الكتاب-هبة-حسنى-2015-26

 

 

حفلة-توقيع-كتاب-إشراقة-روح-معرض-الكتاب-هبة-حسنى-2015-22

 

 

 

 

 

 

 

 

حفلة-توقيع-كتاب-إشراقة-روح-معرض-الكتاب-هبة-حسنى-2015-5

 

 

حفلة-توقيع-كتاب-إشراقة-روح-معرض-الكتاب-هبة-حسنى-2015-40

 

حفلة-توقيع-كتاب-إشراقة-روح-معرض-الكتاب-هبة-حسنى-2015-15

حفلة-توقيع-كتاب-إشراقة-روح-معرض-الكتاب-هبة-حسنى-2015-19

حفلة-توقيع-كتاب-إشراقة-روح-معرض-الكتاب-هبة-حسنى-2015-17

حفلة-توقيع-كتاب-إشراقة-روح-معرض-الكتاب-هبة-حسنى-2015-10

 

 

حفلة-توقيع-كتاب-إشراقة-روح-معرض-الكتاب-هبة-حسنى-2015-24

حفلة-توقيع-كتاب-إشراقة-روح-معرض-الكتاب-هبة-حسنى-2015-13

 

حفلة-توقيع-كتاب-إشراقة-روح-معرض-الكتاب-هبة-حسنى-2015-111

حفلة-توقيع-كتاب-إشراقة-روح-معرض-الكتاب-هبة-حسنى-2015-6666

بالصور ندوة تدشين دليل الكاتبات المصريات يوم 1 فبراير 2015 بمعرض الكتاب

تشرفت بحضور ندوة تدشين دليل الكاتبات المصريات  يوم 1 فبراير 2015 بمعرض القاهرة للكتاب و كانت فرصة جميلة  للتعرف على كاتبات مميزات من كل محافظات مصر.

الأستاذ فتحى المزين مؤسس دار ليان للنشر و التوزيع هو السبب فى خروج  دليل الكاتبات المصريات للنور بصورة مشرفة. و الحقيقة كلنا كنا ممتنين و شاكرين لجهده و إهتمامه بدعم المواهب النسائية فى مصر.

دليل-الكاتبات-المصريات-هبة-حسنى-2015-صفحة-100-2

 

تدشين-دليل-الكاتبات-المصريات-ندوة-الكاتبات-قادمات-معرض-الكتاب-2015

 

دليل-الكاتبات-المصريات-ندوة-معرض -الكتاب

ندوة-دليل-الكاتبات--معرض-الكتاب

 

 

و طبعا كان لازم أمارس هوايتى المفضلة بإنى أحط قزازة المية على دماغى و دليل الكاتبات فى إيدى لإنى فرعونية صميمة فحبيت أتقمص شخصية حتشبسوت قصدى هبشبسوت 🙂 ههههههههههه

دليل-الكاتبات-المصريات-هبة-حسنى-2015-111

صور من حفل توقيع كتاب “بداية” الجماعى بمعرض الكتاب

 

صور من حفل توقيع كتاب بداية الجماعى إللى إتشرفت بالمشاركة فيه بقصة قصيرة “نغمة نشاز” الحفلة تمت فى قاعة در ليان للنشر بخيمة 2 فى معرض القاهرة الدولى للكتابحفل-توقيع-كتاب-بداية-دار-ليان-للنشر-معرض-الكتاب-2015-هبة-حسنى-1

 

الكتاب-الجماعى-بداية-دار-ليان--للنشر-معرض-الكتاب-2015

 

حفل-توقيع-كتاب-بداية-الجماعى-هبة-حسنى

حفل-توقيع-كتاب-بداية-دار-ليان-للنشر-معرض-الكتاب-2015-555

 

حفل-توقيع-كتاب-بداية-دار-ليان-للنشر-معرض-الكتاب-2015-6

 

حفل-توقيع-كتاب-بداية-الجماعى-هبة-حسنى-معرض الكتاب-2015-ليان

بالصور حضرت حفل توقيع كتاب “أثر النبى” للكاتب المبدع عمر طاهر – إنتظروا رؤيتى النقدية للكتاب قريبا

حضرت حفل توقيع كتاب “أثر النبى” للكاتب المبدع عمر طاهر و هو كتاب يروى قصص منتقاه من سيرة صحابة و أحفاد الرسول عليه السلام بشكل أدبى شيق مع الإحتفاظ بالسياق التاريخى للأحداث.

شخصيات الكتاب منتقاه بعناية بحيث تكون قصصهم تمس الجانب العاطفى و الوجدانى فى السيرة النبوية العطرة. أيضا حرص الكاتب على تسليط الضؤ على بعض الصحابة الغير معروفين بقدر كافى.

 

بإذن الله حكتب رؤية نقدية تفصيلية عن الكتاب فى أقرب فرصة.

الكاتب عمر طاهر تبرع بأرباح الكتاب كاملة لبنك الطعام المصرى و هو بها مثل يحتذى فى الحسنات المضاعفة ربنا يجعل الكتاب فى ميزان حسناته بإذن الله.

حفل-توقيع-كتاب-أثر-النبى-عمر-طاهر-1

خرجت من حفلة توقيع الكاتب المبدع عمر طاهر تملأنى مشاعر روحانية جميلة لكن لما شفت واحد بيضرب واحدة بالقلم أكتر من مرة فى شارع 26 يوليو فى الزمالك مشاعرى إتغيرت بس حاولت أحتفظ بالطاقة الإيجابية إللى كانت جوايا بإنى ادعى إن ربنا يصلح حالنا .. قولوا آمييييين

حدث بالفعل (4) رحت تدريب السباحة بتاعى فى عز البرد! الرياضة أمن قومى :)

ما أروع السباحة فى الصقيع 🙂 صدقوا أو لا تصدقوا! النهارده (الموافق 7 يناير 2015 )رحت تدريب السباحة بتاعى عادى خالص و لا كأن الدنيا تلج و لا أى حاجة…المدربة بتاعتى صحيتنى بدرى تأكد عليا المعاد ووالدتى جالها ذهول إنى نازلة أعوم فى الجو ده!

و عنها يا ريس رحت البيسين و فرحت جدا إن كل البنات إللى بيتدربوا معايا جم بمنتهى النشاط 🙂
الأول المية كانت ساقعة سنة لكن خلال دقايق بقيت دافية جدا و كانت السما لونها أبيض زى القطن المصرى طويل التيلة 🙂 لون السما إدانى إحساس روحانى جميل بالنقاء الشديد…أنا كمان المية بتثير جوايا مشاعر روحانية عارمة فكأننى هائمة فى ملكوت الكون أسبح فى مياة شفافة و تظلنى سماء نقية بلون الثلج …

عشت إحساس راااائع لا تصفه الكلمات لو عايزين تحسوه إنزلوا عوموا فى البرد…

على رأى الرئيس السيسى الرياضة أمن قومى 🙂

 

i-love-swimming

 

 

brave-diver-kid

فيديو يوميات ممثلة مرتجلة (4) يا نجاااااتشششى طرقع البلالين! بانتومايم عجب #إنبهر

*** لمشاهدة أدائى فى أعمال إرتجالية أخرى يمكنكم مشاهدة بلاى ليست “يوميات ممثلة مرتجلة” ***

صور دمها خفيف (1) – تفتكروا الأطفال إللى بدرس لهم دراما إيه رأيهم فيا؟

improv-drama-kids-teacher

صورة مشرقة بالتفاؤل :) المسجد إللى جنب بيتى بيستعمل لمبات موفرة و شباب بينظفوا شوراع مصر

لمبات-موفرة-فى -المساجد

شايفين شكل اللبمات الموفرة يفتح النفس إزاى؟ سبحان الله إمام مسجدنا مكانش بيتكلم فى السياسة أبدا لكن كده أنا أخيرا عرفت إنه متحيز سياسيا لمصر 🙂  

الناس عمالة تقارن بين مرسى و الرئيس السيسى و أنا شايفة إن المقارنة مضحكة و ملهاش معنى لكن إفتكرت إن أيام مرسى مهانش عليهم يسيبونا مع الإمام الغير مسيس و مرة كنت بصلى الجمعة فى المسجد فجالنا حد عجيب منعرفوش و طلب من المصلين إنهم يقبلوا الإعلان الدستورى لمرسى فالمصلين هبوا فيه و قاطعوه فالإمام بتاعنا العاقل طلب من الناس عدم مقاطعة الإمام و طلب منه يغير الموضوع 🙂

سبحان الله بعدها بإسبوع مرسى إتضرب بالجزم فى مسجد تانى  و إتصور فيديو و خرج من المسجد حافى و رغم كل ده قرر البلتاجى يتحفنا بنكتة إن متاظهرى الإتحادية المعارضين للإعلان الدستورى مسيحيين!!!!

الحقيقة عندما أفكر فى شخصية البلتاجى بلاقى نفسى مش قادرة ألومه لإنه كل ما بيقول كلام مش منطقى أتباعه بيصدقوا من غير تفكير فكان وضع طبيعى إنه لما يهرب وقت فض إعتصام رابعة إنه يعمل فيديو على طريقة بن لادن و “يفتى!” ن أعداد المتوفين فى رابعة 3000! جايز أنا لو كنت مكان الإخوان كنت أشكك فى البيانات الرسمية للطب الشرعى لكن فى نفس الوقت هما صدقوا كلام البلتاجى الهربان إللى لا يمكن يكون فى وسيلة منطقية يكون عرف بيها أعداد المتوفيين!!! و بالتالى مادام هو بيلاقى ناس مستعدة تصدق أكاذيبه ميكذبش ليه؟!

 

بس كلمة أخيرة علشان أكون منصفة الإعلام شتم الإخوان لما كانت الكهربا بتقطع أيامهم و دلوقت بقى يطلب من الناس تستحمل! دى معايير مزدوجة و سلوك غير مقبول بس الحقيقة الإخوان برضه كانوا يفرسوا لإن لما الكهربا إتقطعت ايام مرسى طلبوا مننا نحمد ربنا و نستغلها فرصة فى صلة الرحم و لما مرسى مشى و الكهربا إتقطعت شمتوا فى بلدهم زى ما تكون صلة الرحم مرتبطة بإن مرسى يكون على الكرسى! فبالتالى إعلامنا الموقر و بتوع الإسلام هو الحل هما لإتنين يتسموا بإنعدام الموضوعية! الإخوان سابوا الحكم فأتمنى إن الإعلام يسيب المعايير المزودجة و يكون أداة تنوير و تثقيف و ليس بلبلة و تخويف!

المهم خلينا فى الصورة المشرقة التانية 🙂 النهارده كنت راكبة تاكسى حوالى الساعة 3 فى عز الحر على طريق النصر قريب من مكرم عبيد و شفت شباب زى الورد شاب كان بيدهن الرصيف و بنات كانوا ماسكين يفط بيطلبوا من أصحاب السيارات يتبرعوا  ولو بجنيه علشان ينظفوا الشارع 🙂 يا رب الروح الإيجابية الجميلة دى تستمر و تزيد…قولوا آميييييين 🙂

 

 

إتشرفت بإستضافتى على قناة النيل الثقافية للحديث عن موقع [CREATIV] العالمى للفنانين

إتشرفت بإستضافتى على قناة النيل الثقافية للحديث عن موقع [CREATIV] العالمى للفنانين و زى ما إنتوا شايفين فى الصورة أنا لابسة حظاظة  [CREATIV]  إقتداء بأى منظمة لها هدف نبيل بتعمل حظاظات علشان تنشر فكرتها أصحاب موقع  [CREATIV]  مؤمنين أن نشر الإبداع رسالة نبيلة تستحق أن تنشر بكل الطرق.

يسعدنى الرد على أى أسئلة عندكم بخصوص الموقع فى التعليقات. لما تشتركوا فى الموقع إبعتوا لى لينك البروفايل علشان نتواصل هناك و نعمل تواجد قوى للفنانين العربز مستنايكم يا مبدعييين 🙂    

لينك التسجيل فى الموقع: http://prereg.creativ.com/arabia
لينك شرح فكرة الموقع: http://ba7ebmasr.com/the-creativ-movement/

creativ-arabia-tv-show-heba-hosny

Completed Introductory and Advanced Psychodrama Courses

psychodrama-course-certificate

psychodrama-introductory-course-certificate

فيديو يوميات ممثلة مرتجلة (2) – مونو دراما “أنا مريم…” و خاطرة شعرية “إنسوا يا إرهابيين!” فى رثاء شهداء كنيسة الوراق #لا_للإرهاب

 مريم هى الزهرة البرئية شهيدة إرهاب كنيسة الوراق. لو مريم حبت توصف آخر يوم فى حياتها حتقول إيه؟

أنا حاولت أعبر عنها و أتخيل كانت حتوصف اليوم ده إزاى فى مونودراما إرتجالية لكن و لا أى كلام يوصف بشاعة الجرم إللى إرتكب فى حقها. عزائنا إنها دلوقت فى الجنة و ربنا يصبر أهلها.

زجل “إنسوا يا إرهابيين” إللى كنت ألفته بعد أحداث كنيسة القديسيين بعد تعديل بعض كلماته لنتاسب أحدأث كنيسة الوراق

و إنتهت ليلة الفرح على صوت النحيب

و إيدين خسيسة بتعلب فى الخفا

تشعل سمانا باللهيب

كلاب مسعورة بتنهش لحمنا

و تقتل فرحنا بخنجر رهيب

فاكرين حيقدروا يكسرونا

وياخدوا الهلال من حضن الصليب

إنسوا …إنسوا… إنسوا يا إرهابيين

مصر حتفضل نبض واحد مسلمين و مسيحيين

و لا حد حيقدر يكسرها  لو حاول أيا م و سنين

دمك يا مريم مش حيروح هدر

و لا لوعة  أم…و لا لوعة  أم سلواها الأنين

ده الشعب كله هب و فاق

الأسد المصرى ساب العرين

إنت فتحتوا على نفسكوا النار

أصلكوا متعرفوش غضب المصريين!!

إنسوا …إنسوا… إنسوا يا إرهابيين

مصر حتفضل نبض واحد مسلمين و مسيحيين

و لا حد حيقدر يكسرها لو حاول أيا م و سنين

إنسوا …إنسوا… إنسوا يا إرهابيين!!

إنسوا …إنسوا… إنسوا يا إرهابيين!!

إنسوا …إنسوا… إنسوا يا إرهابيين!!

مونو_دراما_مريم_فى_رثاء_شهداء_كنيسة_الوراق_لا_للإرهاب

*** لمشاهدة أدائى فى أعمال إرتجالية أخرى يمكنكم مشاهدة بلاى ليست “يوميات ممثلة مرتجلة” ***

فيديو قدامنا لسه عبور تانى…أحلام كتيرة و عاجبانى – إحتفالية رسم و غنى فى حب مصر :-) بإيدينا مصر أحلى

sc-moneer-2

بالصور فرقة يابانية تشرف الموسيقى المصرية و تعزف أغانى عبد الحليم و أم كلثوم :)

 

 

 

 

عمرى ما كنت أتخيل إنى حشوف عازف يابانى ماسك رق و لا حتى فى أحلامى!! ما بالكم لما تكون فرقة موسيقية يابانية كاملة عاشقة للموسيقى المصرية و بيعزفوا روائع كلاسيكيات الموسيقى المصرية بشكل رااااائع …شىء مشرف جدا.

أنا النهارده حضرت حفلتهم فى ساقية الصاوى و كنت سعيدة جدا خصوصا لما عرفت إن الطبال مسلم إسمه عبد الله 🙂

SAMSUNG

 

 

SAMSUNG

SAMSUNG

SAMSUNG

 

 

 

الفنان محمد الحجار سمع عزف الفرقة الرائعة و أمتعنا بأغنيته عود و من كرم أخلاقه سمح للفرقة تعرض فقرة فى حفلته الخاصة.

على فكرة أنا حصل لى موقف مع الفنان محمد الحجار.من أكتر من سنة كنت باخد درس جيتار مع أستاذى فى الأوبرا و كنت “بعافر!” فى تعلم الكوردات و أستاذى لمح الفنان محمد الحجار فى الترابيزة إللى جنبنا فرحنا نسلم عليه فكان فى منتهى التواضع و الرقى و قال لى إنى لازم أستمر فى العزف 🙂 لما شفته النهارده إفتكرت الموقف ده و حسيت بالذنب لإن بقالى فترة هاجرة الجيتار و عمالة أعمل فيديوهات بالطلبة! واضح إنى إتعديت من “مطلباتية!” مرسى للأسف 😦

لكن خلاص النهارده قررت أرجع لجيتارى الحبيب و حتشوفوا إبداعات قريب 🙂

SAMSUNG

اليابان أسعدت مصر  النهارده و إحنا بصراحة محتاجين نفرح!

فى إنتظار تعليقاتكم 🙂

فيديو إلهمنى شكرا (2) أضمن و أمتع طريقة ممكن تلاقى بيها شغل بشرط تدعو لى :) إتفقنا؟

 

فى إنتظار تعليقاتكم 🙂

فيديو للبنات فقط :) أنا كده! كونى حقيقية…كونى نفسك

إذا لم يكن متصفحك يدعم مشاهدة الفيديو على هذه الصفحة إضغط هنا لتشاهده على اليوتوب

 أهم ما تضمنه الفيديو

يعنى إيه كونى نفسك؟ ليه البنات فى مجتمعنا بيخافوا يكونوا حقيقيين؟ ليه (بعضكم مش كلكم) بتقلدى زميلاتك و ليه ممكن تخبى حاجات فى شكلك أو شخصيتك لما حد يتقدم لك؟ طيب إيه علاقة الكباية الهلامية إللى فى الصورة بموضوعنا؟
تدريب عملى علشان تقولى للعالم كله “أنا كده!” و ختاما أمثلة حقيقية من حياتى تفهمى منها إزاى تحررى نفسك من أسر الضغوط الإجتماعية و تكونى حقيقية و غير مصطنعة؟ إللى يعجبها الفيديو تعمل له لايك وشير وتدعيلى 🙂
و يسعدنى إنك تشوفى الفيديو البنوتاتى السابق ليا “للبنات فقط 🙂 جبتى إيه “لنفسك” فى عيد الحب؟!” http://www.youtube.com/watch?v=vx28rTMaWgA

فيديو ضاعف حسناتك على اليوتوب و قصة لوحة جماعية رسمتها مع الأطفال يوم اليتيم

إذا لم يدعم  متصفحك مشاهدة الفيديو على هذه الصفحة إضغط هنا لتشاهده على اليوتوب 

أهم ما تضمنه الفيديو:

• اليوتوب ممكن يكون نبع من الحسنات (أو السيئات!) الإختيار لك
• كيف تستفيد من اليوتوب فى تلقى المعلومات؟
o أكثر مصداقية لإنك ترى بنفسك الأحداث
o لا تحكم على الفيديو من عنوانه
o يجب أن تشاهد الحوارات و المداخلات التليفونية كاملة لإن تقطيع أجزاء من حوارت ممكن يساء إستخدامها
o أرجو من يضعون عنوانين الفيديو أن يتقوا الله ويتحروا الصدق لإنى صدقت عناوين فيديوهات كتير و إتضح إنها “إشتغالات!”
o شير فى الخير: علق على الفيديو فيبان على الفيس بتاعك و تويتر
• كيف تستفيد من اليوتوب فى كمدون؟
o تعريف جمهور اليوتوب بمدونتك من خلال الفيديو
o بناء علاقة أكثر حميمية مع مشاهديك لإن الفيديو مؤثر أكثر من الكتابة
o توفير وقتك لإن الكلام أسرع من الكتابة 🙂
o ليه أنا عاملة برواز على الصورة؟
• حكاية اللوحة الجماعية إللى رسمهتا مع الأطفال فى حديقة الطفل اليوم دون تخطيط مسبق! سبحان الله 🙂 حسيبكم تستمعوا بلوحات الأطفال و فى إنتظار تعليقاتكم 🙂

فيديو بعض ما تعلمت من د. إبراهيم الفقى رحمه الله

إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب.

إنا لله و إنا إليه راجعون” تو فى إلى رحمة الله الدكتور إبراهيم الفقى رائد التنمية البشرية. الفيديو يعرض أهم ما تعلمته من د.إبراهيم:

أولا كقدوة :قصة حياته تعكس أنه صنع نجاحه بيديه:

• لم يرب تربية مثالية: والده كسر يده و كان بطل مصر فى البينج بونج!
• لم يكن مرفه: حينما ذهب لكندا كان يدرس و فى فترة عمل فى الأمن و غسل الصحون الفنادق النى أصبح أبرز مديريها فيما بعد
• كان معتز بأصله المصرى و إسلامه: قصة مؤثرة تعكس ذلك بعد شهرته الواسعة…

الخلاصة: من يدعى أن الظروف تحول بينه و بين النجاح كاذب! و الدليل د.إبراهيم الفقى

ثانيا: أهم النصائح العملية :

• التفكير الإيجابى و التقيم اليومى الإيجابى
• مقولته المأثورة :”…عيش بالكفاح و الصبر و قدر قيمة الحياة

ثالثا: مفارقة طريفة فى أول معرفتى بدكتور إبراهيم جعتنى أتوب عن آفة التعميم!!!

فى إنتظار تعليقاتكم…

فيديو شكر و عرفان لفريق المسرح العربى لإتاحة الفرصة لى لتأليف بعض أغانى مسرحية “غابة أون لاين”

هذا الفيديو تعبير بسيط منى عن شكرى و إمتنانى لفرقة المسرح العربى لإتاحة الفرصة لى لتأليف أربع أغانى لمسرحية “غابة  أون لاين” و هى مسرحية غنائية إستعراضية للأطفال (الأغانى موجودة فى مصنف أغانى تم عرضها.)

الفيديو بشمل مقاطع بعض أغانى المسرحية و قد بدأ عرض المسرحية بالفعل و هى تعرض حاليا فى مسرح مدرسة سان مارك بالشاطبى بالإسكندرية لكن من المتوقع أن تعرض فى أماكن عديدة لأنها حققت نجاح باهر من أول يوم عرض. و شرف لى أن كون ضمن فريق عمل من فنانين موهبين و متميزين.

إذا كان متصفحك لا يدعم مشاهدة الفيديو على هذه الصفحة إضغط هنا لتشاهده على اليوتوب

حضرت فرح جماعى رااائع ضمن حملة “1000 عريس و عروسة” لجمعية بيت العائلة و الصور تشهد :) ياريت كلنا نساهم و عقبال الجميع :)

أمتع و أروع فرح حضرته فى حياتى 🙂. ده كل إللى أأقدر أأقوله دلوقت لإنى “مفيصة!” على آخرى و خدت صور  جميلة حبقى أزودها فى أاقرب فرصة إن شاء الله.

لكن علشان أنا طمعانة قووووى فى الثواب حطلب منكم و أنا مغمضة العينين من كتر التعب إنكم تدخلوا على موقع حمعية بيت العائلة التى تساهم فى تيسير الزواج لغير القادرين و حتى الآن قامت بمساعدة ما يقرب على 2000 شاب و فتاة على الزواج. و على فكرة هما أخدوا فتوى من الأزهر إن التبرع لهم يصلح للزكاة و أنا بإذن الله لما آجى اطلع زكاتى القادمة حتكون معاهم بس غير كده ممكن تتبرع  بأى مبلغ و لهم مندوبين بياخدوا الفلوس ممكن تتطوع معاهم كمان.

للإستعلام إتصل برقم 16139 أو  0190300050

و إنتظروا منى تكملة المقالة قريبا مع صور راااائعة … بس قبل ماأمشى ممكن أطلب طلب صغير؟

يا ريت إللى داخل على مشروع جواز يساهم فى الجمعية دى بنية إن ربنا يبارك فى جوازه و إللى لسه معندوش مشاريع ممكن يساهم برضه بنية إن ربنا يرزقه بنصه الحلو أما إللى إتجوزوا بالفعل فإللى فيهم مكفيهم ههههههههههههه 🙂 

تمام يا فندم هى دى الصور زى ما وعدتكم و عقبال الجميييييييييييع 🙂

موقع الجمعية: http://family-house.org/

 

 

 

 

 

 

زى ماإنتوا شايفين فى الصورة إللى جاية العرسان منطلقين لإن دى آخر ليلة حينطلقوا فيها هههههههههههههههههههههه 🙂 

إن شاء الله أول عمل مسرحى حساهم فيه حيكون فى إسكندرية دعواتكم :) كنت هناك إمبارح و أخدت صور تحفة من عايز يمتع نظره ؟

يا إسنكدرية يا مجننانى!” أنا بعشق إسكندرية لإنى عشت فيها أجمل سنوات طفولتى و الحقيقة إمبارح سافرت يوم واحد علشان اتعرف على الفرقة إللى ربنا وفقنى و ألفت لها بعض أغانى مسرحية حيعملوها بعد العيد إن شاء الله 🙂

و سبحان الله إن أول عمل فنى ليا حيشوفه جمهور مش نتاوى 🙂 حيكون فى إسكندرية و سبب إنبهارى إن جدتى لأمى إسكندرانية صميمة و ربنا يديها الصحة قربت على 90 سنة و لسه بتغنى الأغانى القديمة بصوت رائع. جدتى كمان كانت بتعزف سماعى فأنا و بعض الأحفاد فى الأسرة ورثنا عنها الموهبة الموسيقية فأثار تأملاتى إن إسكندرية كانت نبع الموهبة الفنية فى عليتنا و إن شاء الله أول عمل ليا كشاعرة غنائية حيكون فى إسكندرية برضه 🙂

بس عارفين إتعرفت على الفرقة إزاى؟ بعد كرم ربنا اليوتوب يشكر جدا لإن احد أعضاء الفرقة شاف شغلى و كلمنى  و بدا التعاون بيننا و إمبارح كانت أول مرة أتعرف عليهم و ما شاء الله هما كلهم رائعين. بس فى نفس الوقت لاحظت فى عينيهم إندهاش رهيييييييييييب لما شافونى داخلة لابسة واسع و طرحة طويلة لإن غالبا مكنتش هى دى الصورة إللى فى خيالهم عن واحدة بتهرج و مقلدة اللمبى على اليوتوب ههههههههه

هما مقالوش حاجة طبعا بس انا لمحت الذهول فى عنيهم و أنا بفهم الناس جدا 🙂 عموما هى دى أنا بتوليفتى العجيبة ههههههههههههههه

و كان معادى معاهم بالليل فقبل ما أشوفهم رحت زرت جدتى و كان عيد ميلادها لسه قريب و إديناها غنا أنا و هى  يمكن قعدنا ساعة بحالها نغنى ما إنتوا عارفيننى أنا ما بصدق 🙂 و سبحان الله رغم إنها ساعات بتنسى اسامى الناس أو أشكالهم بحكم سنها عمرها ما نسيت كلمات الأغانى 🙂 يا سلام عليها و هى بتغنى هان الود للفنان عبد الوهاب حاجة و لا أغنية الريع للفنان فريد الطرش حاجة روعة و الله العظيم 🙂 و قالت لى جملة كلها حكمة إمبارح: قالت إن إللى بيغنى كتير بيكون سعيد و ده كلام حقيقى فعلا. إنتوا عارفين إن فى اليابان بيعالجوا الإكتئاب بالغنى؟! و سبحان الله أيام الرسول عليه السلام كانوا بيغنوا و هما بيحفروا الخندق علشان يتحمسوا فالغنا شئ جميل جدا…فيا ريت كلكوا تغنوا و ميهمكوش إنكم تسمعوا تعليقات رقيقة زى “جتك القرف 🙂 ” إللى جت على اليوتوب هههههههههههه.

و بعد ماسيبت جدتى  رحت قعدت على البحر ساعتين و خدت الصور الجميلة إللى حتشوفوها فما عدا صورتى طبعا لإن مكانش فى مراية على الشط علشان اصور نفسى بالموبايل زى ما بعمل كل مرة 🙂

و على فكرة أنا ليا ذكريات لاتنسى فى إسكندرية:

* أول جايزة خدتها فى حياتى كانت فى الرسم و كان عندى 5 سنين و سلمها لى الفنان سيف وانلى شخصيا و كانت فى إسكندرية 🙂

* أول مرة أتحرر من اسر الكورال و أغنى سولو كان فى إسكندرية برضه

* أخدت بطولة نادى سبورتنج فى الغطس  و كان عندى 13 سنة

* كنت مشتركة فى المركز الثقافى فى سيدى جابر و إشتركت فى الزهرات و مرة طلعت الزهرة المثالية 🙂 لأ الكدب خيبة كنت التالتة لإن كان فى إتنين أأقل شغب منى هههههههه

* و الحقيقة أنا قضيت المرحلة الإبتدائية كلها تقريبا و جزء من المرحلة الإعدادية فى إسكندرية علشان كده لها ذكريات جميلة محفورة جوايا و أنا سعيدة جدا إن أول إنطلاقة فنية حقيقية ليا حتكون هناك 🙂

و أترككم تستمتعوا بالصور و فى إنتظار تعليقاتكم و دعواتكم 🙂

فيديو بركات دعاء قبل الفجر و أثره على فوزى بجايزة برنامج عصير الكتب مؤخرا…

“و ما توفيقى إلا بالله”

* إضغط هنا لتشاهد قائمة بأسماء الفائزين *

الحمد لله ربنا وفقنى و حصلت على جايزة برنامج عصير الكتب عن مؤلفات الكاتب الكبير جلال عامر فى مقر جريدة “المصرى اليوم” يوم 4 اكتوبر. و تشرفت أنا وباقى المتسابقين بمقابلة الأستاذ مجدى الجلاد الذى تفضل مشكورا بتسليمنا الجوائز و كانت قيمة جدا بالنسبة لمسابقة ثقافية. الفيديو ده بحكى فيه أثر الدعاء لله بيقين على سرعة الإستجابة من خلال قصة فوزى بالجائزة. أتمنى يعجبكم و فى إنتظار تعليقاتكم و دعواتكم 🙂

و إذا لم يدعم متصفحك مشاهدة الفيديو على هذه الصفحة إضغط هنا لتشاهده على اليوتوب.

رمضان ثورة التغيير(2) – صور توجع القلب أخدتها من إسطبل عنتر مع جمعية رسالة: “متعة العطاء…غير و إتغير”

الحمد لله ربنا وفقنى و شاركت إمبارح (8/8) فى توزيع شنط رمضان التابعة  للقوافل الداخلية لجمعية رسالة فرع مدينة نصر و كان ااتوزيع  فى منطفة إسمها “إسطبل عنتر”. الحقيقة يا جماعة الناس هناك أوضاعهم مؤسفة و الصور إللى حتشوفوها أبلغ من أى كلام. أول ما وصلت المكان و شفت الحياة الغير آدمية إللى الناس عايشينها هناك أول خاطر جه فى بالى إنى حمدت ربنا ألف مرة إنى ظروفى أحسن من ظروفهم و بعد كده دعيت إن ربنا يغنيهم بحاجتين:

 

ألأولى و الأهم دعيت إن ربنا يغنيهم بالرضا عما قسم لهم مصداق للحديث القدسى: “إرض بما قسم الله تكن أغنى الناس

و الدعوة التانية إن ربنا يرزقهم من فضله و يحط فى طريقهم ناس فى قلوبهم رحمة وخير يساعدوهم علشان يعيشوا حياة كريمة.

و سبحان الله يا جماعة أنا معرفتش أوزع شنط رمضان لإن الشنطة كانت تقيلة قوى عليا و معرفتش أشيلها فجالى إحباط لإنى رايحة علشان أساهم أساسا! لكن  فضلت أدعى لهم كتير و كمان أخدت  الصور إللى حتشوفوها و عندى إحساس إنكم أكيد حتتأثروا لحالة أهل إسطبل عنتر و غيرها من المناطق الفقيرة فى مصر  و أكيد لما تشوفوا حالتهم حتتحمسوا إنكم تساعدوهم على قد ما تقدروا و لكم جزيل الثواب إن شاء  الله.

و الحقيقة فعل الخير بقى سهل جدا لأنك لو مش فاضى تساهم بوقتك ممكن تساهم بفلوس. و على فكرة جمعية رسالة و جمعية مصر الخير و جمعية الأورمان بيبعتوا مندوبين يستلموا الفلوس و التبرعات العينية من المنازل. و  بنك الطعام المصرى و مستشفى 57357 بيقلبوا التبرعات بالبطاقة الإئتمانية على مواقعهم. علشان كده بقولكم إن عمل الخير بقى سهل جدا. ده إنت حتى مش محتاج تخرج من البيت!

و طبعا المساهمة المالية مطلوبة لكن المساهمة بالمجهود لها تأثير أشد فى النفس علشان كده أنا بنشد أى حد يقرا المقالة دى إنه يساهم بأى شئ و لو حتى إنه يعمل شير للمقالة…الناس حالتهم صعبة قوى يا جماعة و لو فاض بيهم الله أعلم إيه إللى ممكن يحصل.

من ضمن أذكار و المساء دعاء يقول: “اللهم إنى أعوذ بك من الكفر و الفقر و أعوذ بك من عذاب القبر لا إله إلا أنتإقتران الكفر بالقفر سببه إن الفقر الشديد ممكن يصيب الإنسان بيأس يفقده إيمانه فإنت لما بتساعد الناس مش بس بتديهم أكل و فلوس إنت بتعمل حاجة أهم إنك بتحببهم فى ربنا و بتخليهم يحسوا إن الدنيا بخير. فياريت كلنا نساهم بإللى نقدر عليه و إن شاء الله نقدر نرسم البسمة على وجوههم. و أسيبكم تتفرجوا على الصور و مستنية تعليقاتكم 🙂

 

 

 

 

 

 

 

 

 

 

 

 

 

 

 

 

 

 

 

 

 

 

 

إنسف حمامك! فكرك القديم! مفاهيم خاطئة عن حقيقة العبادة و إختيار شريك الحياة نسفها د. أحمد عمارة تماما بفضل الله :) و بسببها لازم أصلح شوية مقالات!!

*** أنا الحمد لله غيرت الكلام  الغلط! إللى كتبته فى مقالة  نداء لكل بنت مسروعة! على الجواز: إحذرى هذه النوعية من العرسان!!   و مقالة ما أروع أن تكونى المرأة الوحيدة فى الوجود فى عين حبيبك فياريت إللى لسه ملقوش نصهم الحلو 🙂 يقروا المقالات دى لإنى بذلت فيها مجهود و إن شاء الله تستفيدوا منها 🙂 ***

إنسف معتقداتك الخاطئة! هو ده بالظبط إللى حصل لى لما حضرت صالون للدكتور أحمد عمارة نظمته دكتورة عطيات الصادق الصادق  فى مكرز الحياة بمدينة نصر يوم 15 مايو.

خدوا نفس عميق و إستعدوا علشان إللى حتقروه هنا غالبا حتكونوا أول مرة تسمعوه فى حياتكم بس كلها حتكون مفاجأت ختليكو سعداء و مستبشرين:

مفاهيم مرتبطة بالعبادة و علاقة الإنسان بالله:

* “و ما خلقت الجن و الإنس إلا ليعبدون“…الدعاء هو العبادة و أفضل الدعاء الحمد لله و بالتالى فإن جوهر العبادة هو …إستعدوا للمفاجأة: أن يدعوا الإنسان ربه بما يشاء بيقين فيستجيب الله  له فيرد الإنسان بشكر الله على عظيم نعمه مصداقا لقوله تعالى : “و لئن شكرتم لأزيدنكم

* قوله تعالى: “و ما تشاؤون إلا أن يشاء الله” ليس معناها أن الله يجب أن يشاء قبل أن نشاء نحن با معناها هو العكس تماما! تخيلوا؟ إذا شئنا نحن و دعونا الله بيقين سيشاء الله تعالى ما نشاء.

و كل الآيات التى فيها كلمة من يشاء تعنى أن مشيئة الإنسان تترتب عليها مشيئة الله و من أمثلتها: “يؤت الحكمة من يشاء و من يؤت الحكمة فقد أوتى خير كثيرا” و المعنى من يشاء أن يؤت الحكمة, يؤتيه الله الحكمة. زمثال الآخر: “يرزق من يشاء

ده معناه إن الأمور سهلة جدا كل إللى المطلوب مننا إننا نعوز الحاجة بصدق و نطلبها بيقين فى قدرة الله على الإستجابة و حتحصل بأمر الله :). متفاجئين؟ إشتنوا الجاى أشد…أنا كنت بسخن 🙂 هههههههههه و قد تذكرت حديث يؤيد هذا الكلام لم يذكره د.احمد يقول فيما معناه: عبدى أطعنى أجعلك ربانيا تقول للشئ كن فيكون.

* يرى د. أحمد عمارة أن الله خلقنا على هذه الأرض لنستمتع! أيون لنستمتع بس كده 🙂 و قد رد على بعض الآيات و الأحاديث التى يساء تفسيرها مثل قوله تعالى:”لقد خلقنا الإنسان فى كبد” و كلمة كبد معناها سعى و ليس تعب كما يتصور البعض.

و بالنسبة لحديث: “الدنيا سجن المؤمن وجنة الكافر” فقد فسره  د. أحمد أن سعادة الدنيا لا تساوى شئ بالنسبة لسعادة الآخرة و لهذا كانت الدنيا سجن. سنكون سعداء فى الدنيا إذا احسنا بالظن بالله و لكنها لا تقارن بسعادتنا حين نرى  وجه الله تعالى فى الجنة. إن شاء الله نكون كلنا من أهلها.

و مما يدل على هذا الكلام المقولة الشهيرة للعارفين بالله:” نحن فى سعادة لو عرفها الملوك لجالدونا عليها بالسيوف” و مقولة الإمام مالك الشهيرة:”قتلي شهادة،و سجنى خلوة ونفيي سياحة» و له كل الحق أن يعتقد ذلك. من معه الله فماذا فقد؟!

–  بالنسبة لإختيار شريك الحياة:

كان هذا الأمر تطبيق للمبادىء السابقة. إذا شئت أن تجد شريك حياتك إدع الله بيقين,  وسيرزقك الله بكل ما تطلب. بس يا ريت إحنا نتعلم إزاى نطلب. و أنا إتكلمت بالتفصيل عن كل حاجة قالها د.أحمد فى الموضوع ده فى مقالة:

 نداء لكل بنت مسروعة! على الجواز: إحذرى هذه النوعية من العرسان!! 

فيا ريت تقروها بعناية و إن شاء الله تستفيدوا منها 🙂

– مبادىْ إنسانية عامة:

* كل إنسان يؤخذ منه و يرد إلا الرسول عليه السلام و بالتالى لا يصح أن نطيع الآخرين و نصدقهم فى كل ما يقولوا و يجب أن نمررالكلام على عقولنا لإن أى بشر عرضة للخطأ. و مفيش حاجة إسمها يا إما اصدق كل حاجة بيقولها عالم معين أو أكدب كل حاجة بيقولها. فى لون رمادى و هو ده أساس التفكير النقدى إللى أنا حكتب عنه مقالة مفصلة إن شاء و إن كنت نوهت عنه فى التعليق باللون الموف فى آخر مقالة ندوة الأستاذ احمد المسلمانى فى الأزهر.

* إللى بنركز عليه بيزيد. لو فكرت فى عيوب غيرى مش حشوف غيرها و العكس لو فكرت فى مزاياه حتكبر و تزيد و نفس عليك. ركز على مزاياك ونميها.

* نصيحة خاصة للإلى إتدبسوا بالفعل و إتجوزوا ههههه: لو عايز شريك حياتك يعملك حاجة معينة إبدأ إنت الأول و إعمل له الحاجة دى. مثلا لو واحدة نفسها جوزها يعاملها بإحترام تبدأ هى بنفسها و تعامله بإحترام وهو أكيد حيعاملها بالمثل بس ساعات الموضوع بيحتاج صبر و إللى بيساعد عليه إننا نكون شايفين الصوة كاملة و فاكرين مزايا شريك الحياة مش بس عيوبه و إسمحوا أستعير جملة كنت كتبتها فى تعليق قبل كده:” يعنى لو جوزك هب فى وشك الصبح من غير سبب و بصيتى على يمينك حتلاقى الدبدوب الفحلقى إللى جابهولك فى عيد الحب ههههههههههه. فساعتها ممكن تتقبلى”جعيره” :) بهدؤ لإنك شايفةالصورة كاملة“.

* المفاجأت لم تقتصر على د. أحمد لكن بعض الحاضرات فاجئونى بأشياء نسفت عندى مفاهيم غلط كتير و كتبت عنها بالتفصيل فى مقالةما أروع أن تكونى المرأة الوحيدة فى الوجود فى عين حبيبك فيا ريت تقروها و تقولوا لى رأيكم

و ختاما أدعو الله عز وجل أن يجازى د.أحمد عمارة عننا خير الجزاء و ياريت تفتكرونى معاه بالدعاء 🙂

 مستنية تعليقاتكم 🙂

نصائح تربوية (1) – إزاى بنتى ربتنى؟!!!

*** المقالة دى يا جماعة رغم إسمها مش مقصورة على الناس إللى عندهم أولاد و بس و لإن النصايح إللى فيها يمكن تطبيقها على جميع العلاقات الإنسانية ***

إبتدت رحلتى الممتعة مع قراءة كتب تربية الأطفال لما بنتى كان عندها سنتين.

الحقيقة أنا بنتى مكنتش طفلة هادية (حتطلع هادية لمين ههههههههههه) و كنا عند دكتورتها و فضلت تلف و تدور و تتتحرك يمين و شمال و لسؤ حظى كان فيه سلم ففضلت اطلع و أنزل وراها زى المكوك و طبعا مكنتش سعيدة ! و كان نفسى تهمد شوية لغاية  ما جه دورنا و دخلت عند الدكتورة و أنا بنهج و “عرقى مرقى!!”. فالدكتورة إبتسمت لى و قالت: “ما شاء الله بنتك ذكية جدا. أنا لما بلاقى طفل عنده سنتين قاعد هادى بقلق على طول”

فساعتها تبدد تعبى فى لحظة و حمدت ربنا إن بنتى طفلة طبيعية و قررت أقرأ كتب تربوية علشان أأقدر أفهم طبيعة مراحل العمرية المختلفة لبنتى و إزاى أتعامل معاها صح.  و فيها إيه لما أنهج ورا بنتى إللى مبتهمدش؟ هو الرسول عليه السلام قال: “الجنة مش تحت أقدام الأمهات” من شوية؟

مسلسل ونيس فى أوائل أجزائه التى شاركت الفنان محمد صبحى البطولة فيها الفنانة الراحلة سعاد نصر كان فيها عبارة مؤثرة فى المقدمة تقول فيما معناه: إتفقت أنا و زوجتى أن نربى أبنائنا على الأخلاق و القيم و لكننا إكتشفنا أننا كنا نربى أنفسنا معهم.

أنا حصل لى كده بالظبط لإن من أوائل الدروس التربوية إللى إتعلمتها إنى مينفعش كلامى يكون عكس فعلى. ده أنا ممكن متكلمش خالص و الطفل بيقلد الأفعال. لكن لازم أكون قدوة لبنتى و إلا حتصدقنى إزاى؟!

فطبعا إتربيت تمام…زمن المشى حافية و الشرب من بزبوز الإزازة و غيره إنتهى لغير رجعة و قيسوا على كده الحاجات الأهم.

إحساس الأمومة  و لا يقارن بأى إحساس تانى فى الوجود  و من أروع ما فيها أنها تجعلنا أفضل من كل النواحى.

عقبالكم كلكم لما تجيبوا أولاد يربوكوا إن شاء الله 🙂 قولوا آمين…

ليه “متقبلتش!” فى المسجد و لا فى المكان إللى بتعلم فيه غناء فى نفس اليوم؟! و ليه أنا مبسوطة قوى بالحكاية دى؟!!

هل الإعتدال عمال يتقلص تحت وطأة التشدد يمينا و يسارا؟!!!

سؤال طالما ألح على و  من إسبوعين تقريبا تعرضت لمواقف غريبة فى نفس اليوم جددت جوايا الإعتقاد ده.

1- عدم فبولى! فى المسجد: كنت فى المسجد بحضر درس و سمعت أغنية يا بلادى على موبايل واحدة من البنات. فبعد الدرس إستأذنتها إنى آخد منها الغنوة على موبايلى فظهرت لنا أخت منقبة من حيث لاندرى و قالت بإستنكار: “إنتوا بتنقلوا أغانى فى المسجد؟” فأنا رديت عليها رد ندمت عليه بعد كده إنى قلت لها بظرف دى أغنية يا بلادى و الصح إنى مكنتش أديها أى مبررات لكن ده إللى حصل عموما!

2- فاكرين لما حكيت لكم بسعادة غامرة إنى رجعت أدرس غناء شرقى تانى؟ للأسف إضطريت أسيب المكان إللى باخد فيه لإن الأستاذ سئ السلوك جدا و بيهزر مع النبات بالإيدين و طول الوقت بيلمح نلميحات غير لائقة! و حاجة آخر مسخرة زى ما نكون فى كباريه!! رغم إنى كنت مخنوقة من الجو ده, كان ممكن أستمر لو كانوا هما متقبلينى و سايبننى فى حالى. ما أنا فى كندا كنت بتعامل مع ناس معندهمش دين أساس لكن الجميل فى معاملاتنا إن كل واحد محترم حرية التانى فى إنه يكون ما يشاء.

المشكلة إن الأستاذ كان مفروس منى لإنى مش زى الباقيين و كل شوية يلقح عليا بالكلام و القشة إللى قسمت ظهر البعير إنه طلب مننا نكلمه علشان نحدد معاد نقابله فطلبته و مردش عليا و لما رحت بعدها بفترة إتضح إنه كلم كل الناس التانيين و إن هما إتقابلوا بالفعل!! (و الله أنا مذهولة إنه نجحنى فى إمتحان ال Vocal أساسا  لأنه رفض يقبل واحد تانى قدام عينى! أنصف مرة واحدة فى حياته!!)

هو أنصف فى الأول وبعد كده بقى يتعمد يرخم عليا و يقوللى إنى مش عارفة أغنى معاهم و مرة طلب منى مقولش علشان مش عارفة أجيب طبقة الصوت فحركت شفايفى بس دون غناء علشان أحفظ الكلمات. فهو  إفتكر إنى بغنى و قال لى إنى كده بعطل الناس فساعتها أنا إبتسمت و قلت له:”إن فى حد غيرى بينشز لإنى مكنتش بغنى أساسا!!” و ساعتها جبت آخرى و سألته قدام الكل هو ليه مردش لما طلبته زى ما قال و رد على الباقيين, فقال لى كلام عايم معناه إنى كان المفروض اتصل بالليل مع إن هو إللى  طلب مننا نكلمه الصبح! فأنا لقيت نفسى مش قادرة أستحمله فقلت له إنى حدور على مكان تانى أتعامل فيه أحسن من كده و رحت سياباه و ماشية!!

للأسف هو إنتصر بس لما أكون فى مكان بتحجم فيه و بقعد يقوللى متغنيش و أنا رايحة أساسا أتعلم غناء يبقى حستمر إزاى؟ هو فى منصب قيادى و أساء إستخدام سلطته ده غير طبعا إن إحنا كنا بنغنى كورال و أنا سايبة الكورال من سن 11 سنة!!! فللسبب ده لوحده أنا كنت حمشى من نفسى بعد المدة إللى دفعت تمنها ما تخلص.

فلما تقارنوا بين الموقفين حتلاقونى وسط و الناس مش متقبلانى لإنى مش زيهم و هما الإتنين عكس بعض على طول الخط!!!

طيب إيه إللى باسطنى فى الموضوع ده؟ الحقيقة يومها كنت متضايقة جدا بالذات علشان موضوع الغناء لكن لما فكرت إكتشفت إن ميزتى الرأئعة إنى حقيقية و مش مزيفة و مش بركب الموجة و أجارى الناس التانيين علشان أعجبهم. أنا مقتنعة إن ربنا من قوق سبع سماوات مش حيعاقبنى علشان نقلت أغنية يا بلادى على موبايلى فى المسجد و بالتالى الأخت الموقرة إللى إتحشرت فى شؤونى ملهاش عندى حاجة! و فى نفس الوقت فخورة و معتزة بحجابى و إلتزامى السلوكى إللى بيغيظ المستهترين و يفرسهم! إيه إللى يضايق فى كده؟

“متحاولش تبقى حد تانى غير نفسك” نصيحة مخلصة يا ريت كلكو تفكروا فيها و تطبقوها و مستنية تعليقاتكم 🙂

شميت النسيم مع أصحابى على الفيس :) أمال أنا بحب الفيس بوك من شوية؟!

*** صديقتى فى الصور إرتدت النقاب مؤخرا علشان كده خبيت وجهها ***

بصراحة يا جماعة أنا بعشق الفستوك :)(إسم دلع الفيس البوك)  لإنه كان بعد توفيق ربنا سبحانه و نعالى السبب فى حاجات كتير جميلة حصلت لى مهنا إنى قدرت أسيب البرمجة  و أشتغل فى الكتابة و كمان إتعرفت على الفنان جورج عجايبى و علشان سعادتى تكمل قابلت فى شم النسيم السنة دى لأول مرة اصحاب عزاز عليا جدا و عشرة طويلة على الفيس بس دى كانت أول مرة أأقابلهم على الطبيعة. و أنا سعيدة جدا إنى إتشرفت أخيرا بمقابلة محمد لطفى خصوصا إنه من الزوار الدائمين للمدونة (و جه وقت كان هو الزائر الوحيد! بصراحة السنة إللى فاتت لما كانت المدونة لسه فى بدايتها و “بتنش” 🙂 ههههههههه) .

و على فكرة هو لسه كاتب كتابه قريب على البنوتة الجميلة إللى جنبه فى الصور و تخيلوا إن هما عرفوا بعض بعد كرم ربنا و فضله من خلال الفيس بوك؟! سبحان الله الزراق. أما البنوتة التانية فهى فيس بوكية نشطة جدا و بنت حلال مصفى دايما بتشجعنى و تعمل لى لايك 🙂 (أنا مش حقول أسماء البناتيت علشان مستأذتهمش)

لكن سبحان الله رغم إعترافى بجمايل الفستوك إلا  إنى إنبسطت  أكتر بكتير  لما شفتهم على الطبيعة  بعيد عن الكومنيت و اللايك و الشير. مهما كان العلاقات الإنسانية المباشرة حاجة تانية و طبعا إتعرفنا و إتكلمنا فى مواضيع كتير على رأسها الثورة (و على فكرة هما ال 3 قالوا نعم و أنا قلت لا للتعديلات الدستورية و محدش فيهم ضربنى بالنار 🙂 و ده معناه إن فى أمل الحوار الوطنى يكون راقى قولوا إن شاء الله)

و حسيبكم تستمعوا بالصور و على فكرة إحنا إتقابلنا فى الأزهر بارك و كان على آخره زحمة بس دى حاجة جميلة خلى الناس تنبسط و ربنا يسعدنا دايما 🙂

*** على فكرة كل الصور إللى أنا مش طالعة فيها أنا إللى مصوراها بس اكتر إتنين عاجبننى صورة محمد مع عروسته و صورة الأطفال و هى بتتزحلق 🙂 ***

 

*

 

سبحان الله! قابلت الداعية مصطفى حسنى النهارده “بالصدفة” بعد ما حمدت ربنا على المبلغ إللى “كعيته” تمن اللاب توب الجديد ! :)

سبحان الله على الحاجات إللى بتحصل لى. سبحان الله الف مرة و الله.

قصر الكلام اللاب توب بتاعى قرر ينتحر رسمى يوم الجمعة إللى فات بالليل!  و هو كان مهيس قبل كده الحقيقة و من كرم ربنا و فضله إنى كنت عاملة Backup لشغلى لكن رغم كده لما قفل خالص, انا إتضايقت جدا لإن عندى شغل  و إلتزامات. و طبعا قراء المدونة الدائمين عارفين إنى بشتغل من البيت على النت ( على فكرة أنا بشتغل على موقع إسمه  oDesk.com و لو حد حابب يجرب الشغل من البيت يدخل عليه و فيه شرح تفصيلى و فيه كل التخصصات تقريبا. المهم ال English يكون كويس. لو حد فيكم دخل الموقع و عنده أى سؤال يسعدنى إنى أجاوبه يا إما فى التعليق أو على الإيميل)

فطبعا معنى إن الجهاز يضرب إنى لازم ادفع مبلغ و قدره علشات اجيب واحد جديد لإن إلتزاماتى فى الشغل متسمحش إنى أبيع الجهاز القديم الأول أو أدخل فى متاهة إنى أصلحه!

و الحقيقة أنا إتفاجئت إنى حطلع مبلغ كبير فى الجهاز مكنتش عاملة حسابه لكن بعد فترة من الضيق حمدت ربنا سبحانه و تعالى ألف مرة إنها جت لحد كده. أنا ممكن كنت أصرف أضعاف المبلغ ده على الدكاتره لا قدر الله. فلما تيجى على شراء لاب توب جديد يبقى قضى أخف من قضى زى ما بيقولوا.

فبعد ما رقت و حمدت ربنا و خرجت من المول و أنا شارية جهازى الجديد شفت الداعية مصطفى حسنى و هو بينزل من عربيته. الأول إفتكرت إنى بيتهيألى و بعد كده إتاكدت فرحت سلمت عليه و دعيت له بالخير و سألته عن CD  العبد الربانى إللى عملها مع الفنان خالد سليم. سألته إذا كانت نزلت السوق و لا لأ فقالى إنها حتنزل قريب. و طبعا كان بشوش زى عادته و فى منتهى الذوق و التواضع.

بعد ما شكرته و مشيت إفتكرت إنى حاولت أكلمه أكتر من مرة قبل كده فى برنامجه و فى ندواته علشان كنت عايزة أأقوله على  مبادرة طفل يعلم طفل خصوصا إن هو تربوى و ممكن بإتصلاته يساهم فى تفعيل الفكرة . لكن سبحان الله النهارده أنا كنت فى عالم تانى و كنت بحاول اربط بين الأحداث لإنى مقننعة إن مفيش حاجة إسمها صدفة.

كل إللى بطلبه إن لو أحد قراء هذه المقالة كان يعرف الداعية مصطفى حسنى يا ريت يقولله على المبادرة لإنها واقعية جدا و قابلة للتطبيق و فيها ربحية لمن يملك الإمكانيات لتنفيذها.

أنا بعد تأمل حسيت إنى لو كانت إيمانياتى مظبطة مكنتش إتضايقت أساسا لحاجة هايفة زى دى! صحيح أنا إديت نفسى رسائل إيمانية صحيحة بعد كده لكن كان الصح إنى مكنتش أتضايق أساسا.

أما مغزى مقابلتى للداعية مصطفى حسنى “بالصدفة” بعد ما بقيت راضية و سعيدة بما يقسمه الله إنها إن شاء الله تكون رمز لبداية جديدة أو طفرة إيمانية تحصل لى.

يا رب. قولوا آمين 🙂

صور مش محتاجة كلام … دول شباب بيحبوا مصر بجد :)

بنحبها نبنيها ... شباب بيحب مصر بجدالنهارده ربنا أكرمنى و قابلت الشباب  و البنات إللى يفرحوا إللى إنتوا شايفينهم فى الصور و إستأذنتهم إنى أحط صورهم على المدونة علشان يكونوا قدوة لغيرهم و مش بس كده قلت لهم إنى لما أرجع من المشوار إللى كنت راياحاه حاجى أساعدهم لكن للأسف لما رجعت كانوا مشيوا 😦 لكن سابوا فى قلبى فرحة بشباب مصر الجميل إللى بيبنى مبيهدش.

 

لما دعيت لأم مكلومة بإخلاص إن ربنا يجمعها مع بنتها فى الفردوس الأعلى و بعد كده إفتكرت إن الملايكة قالت و لك مثله :)

لو سألتونى يا جماعة إيه أكتر موقف حصل لك فى حياتك مستبشرة بيه قوى؟ حقولكم الحكاية دى…

إللى حصل إنى رحت أحضر درس فى المسجد إللى جنب بيتى لكن و صلت متأخرة و فوجئت إن إللى بتدى الدرس لابسة إسود و بتعيط كتير و سط الكلام فسألت واحدة قاعدة جنبى عن السبب فقالت لى: إن بنتها إللى عندها 7 سنين ربنا إختارها لجواره.

طبعا أنا كأم مقدرة مدى فداحة هذه الفاجعة و صعوبة هذا الإبتلاء و لقيت نفسى إتفتحت فى عياط هيسترى بصوت عالى و بعدت علشان يعرفوا يسمعوا الدرس و بعد ما الدرس خلص رحت لها و حضنتها و قلت لها بكل إخلاص و يقين: “إن شاء الله ربنا يجمعك مع بنتك فى الفردوس الأعلى”. سبحان الله هى ساعتها كانت هادية جدا و أنا إللى كنت منهارة رغم إنى معرفهاش أساسا. و قلت سبحان الله ربنا لما بينزل الإبتلاء بينزل معاه الصبر.

المهم بعد ما روحت و هديت إكتشفت إنى دعيت لها دعوة جميلة قوى بإخلاص و إن الملايكة قالت و لك مثله فاستبشرت خير الحقيقة :).

وبعد كده شفتها فى المسجد كذا مرة و كانت فى منتهى الهدؤ و السكينة و فى آخر الدرس بتدعى قائلة:”الله إجمعنا مع أحبابنا فى الفردوس الأعلى” :).

فالموقف ده أنا مستشرة بيه قوى رغم طبعا إن الواحد مقصر و فيه إللى فيه لكن لازم نطمع فى رحمة ربنا لإنه أمرنا بكده.

سبحان الله! ساعات فيه ناس بتتذمر على أتفه الأشياء و ناس بتصبر على محن تنؤ لهولها الجبال. ربنا يجعلنا جميعا من الصابرين و الراضين. و الرضا يا جماعة ميمنعش إننا نتألم. ما الرسول عليه السلام كان مكلوم على وفاة إبنه إبراهيم لكن المهم إن فى عز الحزن نفضل فاكرين إن الله لا يقضى إلا بالخير سواء فهمنا الحكمة من الإبتلاء أو مفهمناش.

و ربنا يقول فى الحديت القدسى:”إرض بما قسمه الله تكن أغنى الناس”…و له الحمد من قبل و من بعد

ما فيش أروع من مشاعر الأطفال الصافية

من نصف ساعة فط تلقيت مكالمة أدخلت السرور على قلبى من بنت إسمها “فرحة” كنت بدرس لها فى المسجد الصيف إللى فات. كلمتنى علشانى تسلم عليا فقط لا بتطلب خدمة و لا عايزة اى حاجة غير إنها تدينى مشاعر حب صافية و غير مشروطة.

سبحان الله! “فرحة” سببت لى فرحة بقالى كتير محسيتش بيها وخلتنى طايرة من السعادة. و رجعت بالذاكرة ورا و إفتكرت لما طفلة جميلة عملت لى كارت بإيديها و إديتهولى و كان فيه قلب أحمر :).

المشاعر الجميلة الصادقة مافيش أروع منها و مافيش حد بقدر يديها زى الأطفال و الحيوانات. و أنا فى كندا كان عندى قطة جميلة كانت تطلع على على حجرى و تفضل تكرررررر 🙂 مرة سمعت إن صوت القطط ده هو فى الحقيقة  تسبيح لله و أنا مقتنعة جدا بكده لإن الصوت ده فعلا بيبعث على الطمأنينة.

الحمد لله على نعمة الأطفال و الحيوانات…