Archive for the ‘مبادرات فى حب مصر بعد الثورة’ Category

إتبرعوا لمبادرة #تحيا_مصر من الموبايل على رقم 37037 #الشير_واجب_وطنى

سلام عليكم 🙂

رمضان قرب يودعنا  و جايز النهارده تكون ليلة القدر يبقى ندعى لمصر و نساهم فى مبادرة تحيا مصر بإرسال رسالة لوقم 37037…أنا جربته و الرقم شغال و يبعت رسالة تأكيد.

و طبعا يا جماعة ممكن تتبرعوا فى البنك على حساب 037037

من فضاكم شيروا الرقم لإن مصر تستاهل… كل سنة  و  مصر كلها بخير و سعادة و رخاء بإذن الله 🙂

تحيا مصر

Advertisements

فيديو حملة “ضد النسيان” مبادرة شبابية فى حب مصر…فاكرين أهداف الثورة؟ #بحب_مصر

الهدف من حملة “ضد النسيان”هو التذكير الدائم والمستمر لكل مصرى و مصرية  بالقصاص للشهداء وبأهداف الثورة والطرق والمسالك التي تؤدي لتحقيق هذه الأهداف بالإضافة للتوعية  بالعقبات التي تحول دون تحقيقها وبدون ذكر أسماء.

الجملة دى من عندى: إحنا مش عايزين نتوه فى أحداث فرعية و لا نسمح بتفاهات( زى شعار رابعة!!!) تنسينا أهدافنا الكبيرة و علشان كده إتحمست جدا لفكرة الحملة

الحملة سيكون لها وجود قوى على الإنترنت  وسيتم نشرها  في شوارع المحافظات المختلفة من خلال الإحتكاك المباشر مع الجمهور. ياريت تتحمسوا لها و تشاركونا.

يسعدنا إنضمامكم لجروب الحملة https://www.facebook.com/groups/dedelnesyan/

فى إنتظار تعليقاتكم

منصورة-يا-مصر

masr-gameela-مصر-جميلة

بالفيديو فكرة حتقلب موازين التعليم فى مصر! مبادرة “إتعلم ببلاش وعلم غيرك ببلاش” #بحب_مصر

حسألكم سؤال محتاج تفكير عميق:

تحبوا تأثروا فى عدد كبير من الناس تأثير محدود و لا تأثروا فى عدد قليل من الناس تأثير عميييق؟

أنا أفضل الإختيار التانى و هو ده الفرق بين تعليم ناس كتيييييييييييير كلام نظرى ينسوه بعد ساعة و تعليم عدد قليل بشكل عملى و تطبيقى. كلام جميل!

تفتكروا لو طلبت من كل حد حعلمه تعليم تطبيقى عميق ببلاش إنه يعلم حد غيره ببلاش يبقى الحصيلة النهائية حتكون إيه؟

ناس كتير حتتعلم تعليم عملى و تطبيقى يحقق لهم فائدة ملموسة فى حياتهم و هو ده بإختصار الهدف من مبادرة “إتعلم ببلاش وعلم غيرك ببلاش” #بحب_مصر 🙂

كمثل عملى علي المبادرة ياريت تشوفوا الفيديو ده:

 

مجانا للجادين فقط! كورس العمل الحر على الإنترنت Freelance

لينك صفحة كور العمل الحر على الإنترنت http://www.Ba7ebMasr.com/FreelanceCourse

happy-man-make-money-online

فى إنتظار تعليقاتكم 

فيديو و أناااا على الربابة بغنى :) ماذا لو (2) – لو عندك 100 مليار جنيه تعمل إيه لمصر؟ #تحيا_مصر

غمض عينيك و إتخيل معايا: لو ربنا و إداك 100 مليار جنيه حتعمل إيه لمصر؟ فكر و إشكرنى معاك فى حلمك الجميل فى التعليق 🙂

أنا إن شاء الله حعمل 4 مشاريع معظمها فنية شرحتهم فى الفيديو…دعواتكم 🙂

 الفيديو الأول من سلسلة فيديوهات “ماذا لو” التخيلية الإبداعية:

ماذا لو (1) – مسابقة ماذا لو أصبح عمر بن عبد العزيز رضى الله عنه رئيسا لمصر 

sc-rababa-2

فيديو الفن ميدان – علشان طائر النهضة مياكلش عصفورة تويتر!

إذا لم يكن متصفحك يدعم مشاهدة الفيديو على هذه الصفحة إضغط هنا لتشاهده على اليوتوب

حضرت إحتفالية الفن ميدان يوم 2 مارس و الفيديو بيعرض أهم العروض الفنية و الفاعليات إللى حصلت فى الإحتفالية و تأملاتى عن روح العمل الجماعى إللى إحنا محتاجينها علشان نرسم مستقبل مشرق لمصرنا الحبيبة بإذن الله.

السنة إللى فاتت فى بلطجى حاول يعكر صفو إحتفالية الفن ميدان لكن فشل المقالة دىبحكى فيها القصة كاملة للذكرى https://ba7ebmasrbegad.wordpress.com/2012/04/07/%D8%B5%D8%AF%D9%82-%D8%A3%D9%88-%D9%84%D8%A7-%D8%AA%D8%B5%D8%AF%D9%82-%D8%B4%D9%81%D8%AA-%D8%A8%D9%84%D8%B7%D8%AC%D9%89-%D9%85%D8%A7%D8%B3%D9%83-%D9%85%D8%B7%D9%88%D8%A9-%D9%81%D9%89-%D8%A5%D8%AD/

فى إنتظار تعليقاتكم  🙂

أسماء الفائزين فى الشعر الغنائى فى مسابقة “بإيدينا بكرة أحلى” الفنية – ألف مبروك :)

مسابقة-بإيدينا-بكرةالفائزين-فى الشعر-الغنائى-أحلى

يسعدنى الإعلان عن الفائزين فى المرحلى الأولى ( الشعر الغنائى) من مسابقة “بإيدينا بكرة أحلى”  لإكتشاف المواهب الفنية فى الشعر الغنائى و الغناء و التوزيع الموسيقى و التلحين و إخراج الفيديو. إضغط هنا لمزيد من المعلومات عن باقى مراحل المسابقة و ياريت تعملوا شير فى الخير 🙂

أسماء الفائزين فى الشعر الغنائى بترتيب الحروف الأبجدية:

طارق الموجى:

فاز الشاعر الموهوب طارق الموجى فى المسابقة بتقديمه هذه المساهمة المتميزة:

أكيد هييجي اليوم و نفسر الأسرار 
أكيد هييجي اليوم و يضوي ألف نهار
وهييجي لينا الدور
وشباب كما البنور
هيهد لينا السور وهيخلق الجنه

بإيدينا… بإيدينا…بإدينا بكرة احلى

عبد الله مطر:

فاز الشاعر الموهوب عبد الله مطر فى المسابقة بتقديمه هذه المساهمة المتميزة:

أكيد هييجي اليوم والدنيا نسمعنا
ونبقى قد القول والحب يجمعنا
نكتب تاريخ معروف
ونشيل جدار الخوف
نسكن في كل حروف تدي الكلام معنى

بإيدينا… بإيدينا…بإدينا بكرة احلى

محمد مرسى:

فاز الشاعر الموهوب محمد مرسى فى المسابقة بتقديمه هذه المساهمة المتميزة:

لسة الامل موجود   عمره ما ودعنا

 لسة الزمان بيجود  بيداوي أوجاعنا

وبلدنا عارفة تثور

ع الظالم المغرور

شفنا خلاص النور وبكرة ده بتاعنا

بإيدينا… بإيدينا…بإدينا بكرة احلى

مصطفى محمود

فاز الشاعرالموهوب مصطفى محمود فى المسابقة بتقديمه هذه المساهمة المتميزة:

أكيد حيجى اليوم ما نخافش من بكرة
أكيد حيجى اليوم والحلم ليه فكرة
وكل همسة شوق
والنسمة طايرة لفوق
هننسى معنى الخوف ونطوى اوهامنا
بإيدينا… بإيدينا…بإدينا بكرة احلى

يسرى الفار:

فاز الشاعر الموهوب يسرى الفار فى المسابقة بتقديمه هذه المساهمة المتميزة:

أكيد حيجي اليوم ونبص قدامنا
أكيد حيجي اليوم ونشق احلامنا
من جوه قلب الخوف
نطلع لمدد الشوف
والفرح بينا يطوف و يلالى فى زمانن

بإيدينا… بإيدينا…بإدينا بكرة احلى

شاعر مجهول الإسم معلموم الموهبة!!

للأسف المساهمة المتميزة دى صاحبها بعت لى مساهمته فى التعليق على الغنوة فى المدونة و  مبعتليش إيمليه و لا إسمه! لكن عندى ال .I.P بتاعه يارب يتابع الأخبار و يبعت لى إسمه إن شاء الله.

أكيد هيجي زمان وأشوف وليد ثورتي

عدل وإيمان وأمان و نور على دنيتي

وحلمنا المولود
ميخفش من معبود
بيعدي كل حدود ويحرسه ربنا

بإيدينا… بإيدينا…بإدينا بكرة احلى

ألف مبروك للفائزين و إن شاء الله من نجاح لنجاح 🙂  مين عايز يغنى أو يلحن أو يوزع أو يخرج فيديو للكلمات الجميلة دى؟ إللى عايز يشترك فى باقى مراحل المسابقة يضغط هنا و إن شاء الله بالتوفيق للجميع 🙂

فيديو آخر موعد لمسابقة بإيدينا بكرة أحلى المرحلة الأولى 30 أبريل 2012 – ريشة ويا ريشة يكمل الجناح و نطير سوا فوووق فى سما النجاح – ألف مبرووووك للفائزين:)

يسعدنى الإعلان عن الفائزين فى المرحلى الأولى ( الشعر الغنائى) من مسابقة “بإيدينا بكرة أحلى”  لإكتشاف المواهب الفنية فى الشعر الغنائى و الغناء و التوزيع الموسيقى و التلحين و إخراج الفيديو.وهم بالترتيب الأبجدى طارق الموجى – عبد الله مطر – محمد مرسى – مصطفى  محمود – يسرى الفار – شاعر مجهول ! إضغط هنا لقراءة مساهتهم الرائعة و أتمنى لهم مزيد من النجاح و التوفيق بإذن الله


إذا لم يكن متصفحك يدعم مشاهدة على هذه الصفحة إضغط هنا لتشاهده على اليوتوب 

أهم ماتضمنه الفيديو:

.يوم 30 أبريل 2012 هو آخر موعد لتلقى مساهمات الشعر الغنائى للمرحلة الأولى للمسايقة 

إن شاء الله حعمل صفحة على الفيس و أحط فيها صور الفائزين فى المرحلة الأولى أول ما النتيجة تطلع. يعنى بإذن الله على 15 مايو على أقصى نقدير الصفحة حتكون جاهزة.

فيديو تفصيلى عن المسابقة:
http://www.youtube.com/watch?v=GOA9R-X6pzM

للتقديم للمسابقة أرجو مرسالتى على Ba7ebMasrAwy@gmail.com
دعواتكم 🙂