Archive for the ‘مقالات’ Category

صور دمها خفيف (16) “أرجوك تفضفض لى وإوعى تنفض لى!” #حملة_اعمل_للهيافة_بلوك #المبدعة_الربانية

 “أرجوك تفضفض لى وإوعى تنفض لى” 🙂 ههههههههه دى آخر حلقة فى سلسلة التلوث السمعى إللى لازم يحصل لأى حد بيركب مواصلات عامة…الغنوة الراقية دى سمعتها وأنا راكبة “أوبر” لا تقوللى توك توك ولا ميكروباص! والحقيقة الغنوة دى رجعت لذاكرتى مجموعة من الأغانى الهابطة إللى شنفت أذناى فى المواصلات منها مثلا:

أولا أغانى البلطجة النسائية:

=================

انت دخلت التاريخ علشان عجبيتنى…إللى تبص لك “تتعور!!” علشان انت تخصنى” …إيه الرقة دى كلها؟

وواحدة حبت تعبر عن استقلاليتها فقالت له بكل ثقة: “إخبط راسك فى الحيط” فإذا كانت دى الكلمات إللى بيقولها الجنس “اللطيف”يبقى محدش يتفاجىء بأغانى البلطجة الرجالية زى “طلع سلاحك متكامل“!!!

ثانيا أغانى النكد الأزلى:

===============

الدنيا دوامة ومفيش عوامة” … عمييييقة بجد وزى ما انتوا ملاحظين تتسم أغانى النكد الأزلى بعبقرية فى السجع إللى ينقط زى أغنية “اتخرجت من كلية الأحزان ومعايا دكتوراه فى الآه!!” يا نكد السنين ده غير إللى ضلمها خالص من زمان وبلانا بتحفته الخالدة “جرحونى وقفلو الأجزخانات” …يا لهوووى!

ومن كتر ما النكد الأزلى مـأصل فى حياتنا عملت مقالة مخصوص كان عنوانها المعبر “يا عينى على المصريين فى الغنا الحزين!

تمام طيب إيه علاقة #حملة_اعمل_للهيافة_بلوك بكل ده؟

العلاقة إنى لما بروح البيت عندى اختيار إنى أسمع موسيقى وأغانى راقية تلهمنى وتثرينى وتغذى عشقى للجمال…اليوتيوب ملياااان ورينا يحفظ تراثنا الموسيقى الشرقي الأصيل … ساعات بعوز أسمع موسيقى خااالصة وساعتها بتكون تقاسيم العود والقانون وموسيقى عمر خيرت والموسيقى الكلاسيكية الغربية هى خير رفيق … أنا مش بطيق سماعات الودان خالص فمش حقدر أقاوم التلوث السمعى برة البيت بإنى أحط سماعات وأسمع إللى يناسبنى …إللى بيحب السماعات حيقدر يعمل للهيافة بلوك جوة البيت وبرة أنا للأسف معنديش رفاهية الاختيار ده وبالتالى كان لازم أعبر عن دهشتى بتعبيرات الوشوش لأنها أبلغ من أى كلام!

 

ولا كل لغات الدنيا تقدر عن إزبهلالى تعبر!!!

#حملة_اعمل_للهيافة_بلوك بدأتها #المبدعة_الربانية ووصلت إليك … لا تجعلها تقف عندك ..لن ينفجر حاسوبك إذا عملت لايك وشير…كتر شيييييرك وفى انتظار تعليقك…

فيديو حدث بالفعل (6) اتفرجت على فيلم “الأصليين” يومين ورا بعض! #الإبداع_هو_الحل #حملة_اعمل_للهيافة_بلوك #المبدعة_الربانية

اتفرجت على فيلم “الأصليين” يومين ورا بعض والفيلم  عمييييق ومليان جماليات فطبعا كانت تجربة إبداعية رائعة وملهمة ليا بكل المقاييس. وأنا من خلال الفيديو مش بنقد الفيلم بقدر ما إنى اجتهدت إنى أفك شفرتة وأحاول أستشف الرسالة من وراه والمعانى الجميلة المتخفية بدلال بين السطور.

وختاما نصحت الجميع إننا لازم نحرص إننا دايما  نغذى وعينا ووجداننا يكل جميل وإن إحنا مسؤولين عن اختيارتنا. معظم أفلام العيد تجارية وباين عليها التفاهة. أنا اخترت إنى أشوف فيلم “الأصليين” مرتين لإنه حيضيفلى أكتر بكتير من أى فيلم عربى تانى موجود فى السنما النهارده. أدعوكم لمشاهدة الفيلم ولتغذية وعيكم بكل جميل.

الفيلم الجميل ده ألهمنى إنى أدشن حملة “اعمل للهيافة بلوك” وهى مستوحاه من كاريكاتير قديم ليا كنت عملته بمناسبة اليوم العالمى للكتاب…

الإبداع جمييييييل…مش بس جميل …الإبداع هو الحل.

إللى  موافقنى يعمل لايك وشيييير … أعتبر ده وعد؟ 🙂 #المبدعة_الربانية

شباب يفرح (1) بالصور عربية فولكس تتحول لكافيه جميل يخطف العين #الإبداع_هو_الحل

شفت العربية الفولكس دى آسفة أقصد الكافيه الجميل ده قريب من سيتى ستارز فى مدينة نصر النهارده واستأذنت الشباب إللى بيبعوا فيها إنى أصورها فرحبوا بالفكرة …

 

الإبداع جمييييييل…مش بس جميل …الإبداع هو الحل.

إللى  موافقنى يعمل لايك وشيييير … أعتبر ده وعد؟ 🙂

للبنات فقط (8) أروع بوستات نسائية شفتها فى رمضان “دورت عليكى فى الجنة” و “سعاد الواعية وسعاد مشاكل” (منقول) #عيد_سعيد #المبدعة_الربانية

إزيكن يا بناتيت 🙂 كل سنة وأنتن طيبات وربنا يجعل كل أيامكن سعادة وأعياد بإذن الله. وبمناسبة انتهاء شهر مضان الكريم حبيت أشرككن معايا فى أروع بوستات نسائية شفتها فى رمضان…يا رب تعجبكن وفى انتظار تعليقاتكن 🙂 #المبدعة_الربانية

دورت عليكى فى الجنة (منقول) 

أروع ما فى البوست ده إنه بيتخيل فعلا حياة المؤمنين فى الجنة …ربنا يجعلنا جميعا من أهلها …اللهم آميين…إقرى البوست ده بتلذذ واستمتاع أكتر من مرة وأطلقى لخيالك العنان وبإذن الله تذوقى حلاوة جنتى الدنيا والآخرة … اللهم آمين ولى بمثله 🙂
ايه يا بنتي انا لفيت عليكي الجنة كلها مش لاقياكي .. انتي ايه اللي جابك هنا 😃 !
★ اصلي عرفت ان هنا بيت السيدة فاطمه بنت النبي .. فجيت اقعد قصاده لحد ما تطلع عشان نفسي اوووي اشوفها واتكلم معاها 😍 !
★ الله 😍😍 طب خديني جنبك 😃🙈
★ تعالي اتفضلي ✋😃 .. مش كنتي جبتي بقية الشلة معاكي .. احنا اتفقنا النهاردة نتمني امنيه واحدة ونشترك فيها سوا 😍
ها فكرتي هنتمني ايه ؟! 😍
★ بصراحه اول يوم في الجنة ده مخليني مش عارفة اختار ايه ولا ايه 😍😍 !
★ طب ايه رأيك نتمني انهار من الشيكولاته وشلالات من الايس كريم ونعوم فيها 😂❤✋ ؟!
★ اه يا طفسه انتي همك علي بطنك علطول .. لا لا احنا نتمني فساتين جمييييلة قصيرة وطويلة ونكون اجمل من اجمل حور عين ونفضل نقيس في الفساتين ونتصور ونعمل شعرنا ونهيص 😍😃 !
★ امممم فكرة بردوا .. اصلا اليوم مبيخلصش .. احنا مش هنبقي عارفين نعمل ايه ولا ايه 😍😍 !
★ ايه ده .. الحقي الحقي .. البنات صحابنا جاين يجروا علينا من هناك 😂 تفتكري زعلوا اننا طنشناهم ✋😃 ؟!
★ ايه يا هانم منك ليها انتوا ايه اللي مقعدكوا هنا .. مش اتفقنا النهاردة هنقضيه طيران في سماء الجنه ؟! ✋
★ ايوه يا بنتي ان شاء الله هنعمل ده كله بس اختك كانت منتظرة السيدة فاطمه الزهراء تشوفها وتسلم عليها وبعدين نروح 😍😍
★ يا بنتي السيدة فاطمه عند النبي في وسط الجنه واهل الجنه كلهم قاعدين يسمعوا القرءآن بصوت الصحابة وزمان ابو بكر بيقرأ دلوقتي واحنا جينا نندهكم 😍😍
★ الله الله الله 😍😍 طب احنا جايين اهو يلا جررررري 😃😃
★ جري ايه يا بنتي .. احنا نتمني ربنا يرسلنا طيور جميلة ملونه تطير بينا لحد ما نوصل 😍😍 احنا في الجنه يا بنااااات انتوا نسيتوا ؟! 😃
★ اييييه ده .. بالسرعه دي !! ده مفيش لحظة بين الامنيه والتحقيق ❤❤ بس الطائر ده جميل اوي .. ايه الجمال ده انا مش عايزة انزل 😃✋
★ وصلنا يا بنات .. امسكوا ايدي كويس عشان الدنيا زحام .. هندخل وسط الزحام عشان نقعد قريب من النبي ❤ 🌚
يلا امسكوا ايد بعض ونقول ١..٢…٣… وندخل .. يلا بينا 😉❤
★ ايييه ده .. الحقوا يا بنات .. مش دي ماما ؟! انتي جيتي قبلي يا ماما ؟! بقي كده بردوا يا ست الحبايب 😃❤ ؟!
★ الله ! ده الامهات كلها هنا ..ماشاء الله .. منورين 😍😍
خدونا جنبكم بقي بس قعدونا احنا جنب النبي .. انتوا الكبار بقي خلوها عليكم 😂✋
★ كبار مين دول . احنا في نفس الأعمار والشكل كمان 😃 ولا ايه يا حاجة ماتردي علي بنتك 😂 ؟!
★ علي فكرة انتوا لازم تركزوا لان النبي عليه الصلاة والسلام هيقرأ قرءاااااااان دلوووووقتي 😍😍😍😍😍😍
★ الله !! 💖😍 هنسمع قرءآن بصوت النبي 🌚❤ !
★ انا في حياتي ما كنتش اتصور ان فيه صوت بالجمال ده :’) :’)
الله اكبر الله اكبر ❤❤❤
★ ايه النور اللي سطع فجأة ده .. استنوا كده ✋😃
★ لا اله الا الله .. ربنا يا ماما .. ربنا .. ربنا رزقنا بالنظر لوجهة يا بنات ❤❤❤ :””)))
★ ياااااارب يااااارب رضينا ياااارب .. ❤❤
ياااارب لم نذق بؤساً قط ❤❤
يااااااااااارب لك الحمد حمداً كثيراً طيباً مباركاً فيه ❤❤❤
★ انا مكنتش متصورة ان النظر لوجه الله الكريم باللذة دي .. انا حاسة ان مفيش اي متعة في الدنيا تضاهيه .. انا روحي كلها مليانه فرح يكفي لحد الأبد ومايخلصش 🙂 ❤
★ بس عارفين .. احلي حاحة في الجنه اننا #صحبة فيها ❤🌸
وماسبناش بعض في اي #عبادة_في_الدنيا فربنا رزقنا بالجنه سوا عشان مانسبش بعض بعض في اي متعة فيها ❤❤
★ ايه ده احنا نسينا البنوته الفلانيه ؟! دي كانت بنوته طيبه بردوا ؟! حد فيكم شافها ؟! 😔
★ لا … طب ما تيجوا نسأل ربنا عنها ❤ 😊 !
وبمجرد سؤالهم عنها لقيوها جنبهم …. وقالتلهم ربنا ادخلني الجنه بفضل اني كنت رفيقتكم .. كنتم صحبة صالحه فربنا سامحني وسؤالكم عني شفعلي ❤❤
#الحمد_لله_اني_كنت_رفيقتكم_في_الدنيا ❤
ابعتيها لصديقاتك اللي مش هتدخلي الجنة غير معاهم

سعاد الواعية وسعاد مشاكل (منقول)

ياريت وانتى بتقرى البوست ركزى فى إنك تطبيقه على كل جوانب حياتك …سعاد ركزت على ثمرات إخلاص النية لله فى حياة الزوجة وأد إيه حتكون “حرة بالله” ومبتهجة وسعيدة دايما ومستغنية بالله فلا تنتظر الشكر ولا الثناء من أى إنسان حتى أقرب الأقربين …إزاى تكونىى حرة بالله فى كل جوانب حياتك؟ شوفى سعاد الواعية بتعمل إيه وقلديها…
 
سعاد الواعية وسعاد مشاكل 👇👇
 
💚🌙في المطبخ🌙💚
 
في أول يوم من نهار رمضان ورحلة تجهيز وجبة الإفطار الشهية للأسرة الكريمة
 
⭕️سعاد مشاكل ⭕️
 
🔹المطبخ غير مرتب. ..صحون كتيير في حوض المطبخ
🔹لم تحدد ماذا ستطبخ. ..لم تجهز شئ من قبل
🔹ليس عندها نية لما تفعله هي فقط تطبخ وتجهز الفطور
🔹ساخطة من الحر والعطش والتعب مع الصيام
🔹في حديث سلبي طول الوقت مع النفس تركيز على التعب والمشاكل ….هما ياكلوا على الجاهز. .حوض المواعيين مش بيخلص. ..الحر….
🔹أقصى امنيتها أن تنهي شغل المطبخ الممل المتعب وتخلص الطبخ بأي طريقة
🔹عصبية. .متوترة. .مضغوطة …تمتن بتعبها على زوجها وتنتظر منه قصيدة الشكر والتقدير وتحزن وتعصب اكتر إذا لم يفعل. ..وغالبا لن يفعل! !!
 
 
💚سعاد الواعية💚
 
💟💞قبل أن تدخل مطبخها تخلص النية لله وتكثر من النوايا الطيبة. .إفطار صائم. .إدخال السرور على قلب أسرتها. .ثواب إطعام الطعام. …..
 
💞💟لا تدخل المطبخ إلا وقد أعدت محاضرة مفيدة تسمعها اوتشغيل اذاعة القرآن الكريم تضاعف بها استثمار وقتها وحسناتها أثناء العمل في المطبخ
 
💟💞مطبخها نظيف مريح مرتب وحددت قائمة مسبقة بكل الأصناف ومن قبل عملت تجهيز مسبق لأغلبها لتوفر وقتها ومجهودها في الصيام
 
💟💞مستمتعة. ..هادئة. .مبدعة. ..تشكر الله طول الوقت وتتأمل فضله العظيم في أن وفر كل هذه الخيرات بين يديها وأن أعطاها الصحة للعمل وأن أعطاها أسرة جميلة تتفنن في اسعادها بأشهى الأكلات
 
💟💞تحسن وتتقن العمل وعندها نية أنها تعمل ما يحبه الله وهو الاتقان حتى ولو كان في الطبخ ! وتعلم أنها في عبادة لله بهذا العمل لا تقل ثوابا عن باقي الطاعات. .
 
💟💞مبتسمة. ..مرحة. .سعيدة. .لا تنتظر اي مقابل أو عبارات مدح ولا تتلهف عليها فهي في الأساس حددت وجهتها هي إخلاص العمل لله. …فيأتيها التوفيق والمدح والامتنان وكل ما تتمناه. ..
 
 
أي سعاد فيهما. …👈أنتي👉
 
#اختاري
 
#رمضان_موكب_النور
#سعاد

الحمد لله نشرت أول كتاب باللغة الإنجليزية على موقع أمازون “Read My Pook, Beoble!”

الحمد لله نشرت أول كتاب باللغة الإنجليزية على موقع أمازون “Read My Pook, Beoble!” الكتاب بتكلم فيه عن حياتى ما بين مصر وكندا بإسلوب كوميدى وطبعا كالعادة كان لازم أحط رسومات كاريكاتير ليا ومقالات عن مصر …مش عارفة إزاى قدرت ألخص تاريخ حياتى فى 12 ألف كلمة وشوية إنما تقدروا تقولوا إنى جبت كاميرا وصورت أهم اللقطات فى حياتى بإسلوب مرح ويثير التأمل فى نفس الوقت. أوعدكم إنكم حتستمعوا بكل حرف فى الكتاب…أنا فخورة إنى حطيت “التاتش المصرى” بتاعى على موقع أمريكى عالمى 🙂 ياللا يا شباب روحوا شجعونى وسط الأجانب…ده عشمى فيكم…أعتبر ده وعد 🙂 #المبدعة_الربانية

دى المقالة إللى نشرتها  عن الكتاب على موقعى الإنجليزى :

http://hebahosny.net/mybiokindleebook.htm

Overview of My Hilarious Kindle EBook “Read My Pook, Beoble!”

You zbeak London?’…’Atrocious!’ is the best word that came to mind when I remembered how my Egyptian English teacher used to pronounce English. He obviously mixed up the “Bs” with the “Ps” and the “Zs” with the “Ss”. On the plus side, the fact that I can speak proper English today only proves that I’m a miracle worker!…

Read My Pook, Beoble!” is a “Colorful Enlightenment” lived and written by yours truly: A Canadian/Egyptian artist who strives to portray the best of both worlds (the East and the West) through my thought-provokingly funny artwork.

Throughout the book, I shed light on the unusual experiences a Middle Eastern woman would go through when she immigrates to Canada alone.

The cultural shock…The unexpected summer rains on an interview date…How did “The Artist’s Way” book by Julia Cameron helped me heal my “creative scar tissues”…How did I manage to blend in and turn into a beautiful piece of the magnificent mosaic of Canadian diversity…What happened when I performed standup comedy for the first time ever…Why do I brag mySTINKY sink on my personal branding video…Why do I HATE male-dominance (Go figure!)…Why do I have a soft spot the British accent…and the list goes on.

The book includes some of my poetry and cartoon illustrations…

A Butterfly can freely choose where to fly

But as a caterpillar, she didn’t even try

Safe in her silky prison

She didn’t panic…she didn’t cry

A MASTERPIECE IN THE MAKING

She was…and will always be until the day she dies

These words sum up my journey.

Fasten your seatbelts. You’re up for a wild ride…

بإذن الله سأكون ضيفة برنامج “جدد حياتك” أيام السبت طوال شهر رمضان المبارك

رمضان كريم 🙂 بإذن الله سأكون ضيفة برنامج “جدد حياتك” على قناة النيل الثقافية ابتداء من يوم السبت الموافق 27 مايو  وطوال أيام السبت أثناء شهر رمضان المبارك.  البرنامج حوالى الساعة 11 صباحًا. اللقاءات ستتضمن  موضوعات فنية وأدبية وثقافية متنوعة.

خبر سعيييد لعشاق القراءة: احصلوا على قسيمة شراء بقيمة 50 جنيه مجانا من منصة كتبنا لشراء كتب إلكترونية

إلى قرائى الأعزاء أنا بحمد ربنا سبحانه وتعالى إنه وفقنى لنشر كتابى الأول “إشراقة روح 1” من خلال تطبيق “كتبنا” للكتب الإلكترونية  لإنها منصة متميزة ودايما بتقدم عروض مميزة لتشجيع القراء والكتاب على حد السواء…

حاليا المنصة بتقدم قسيمة شراء بقيمة 50 جنيه تمكنكم من شراء أى كتاب إلكترونى منشور من خلال التطبيق…القسيمة مجانية تماما كل المطلوب إنكم تكتبوا أساميكم وإيميلاتكم فى اللينك ده وفى خلال 48  ساعة حتوصلكم القسيمة المجانية…

 https://docs.google.com/forms/d/e/1FAIpQLSe23QY9tEX_6Dq1d2vK7DjplVGGSA5jLAYGTgxMp-uIuJ15_Q/viewform

 

*** إضغطوا على الصورة لملء استمارة الحصول على قسيمة ال 50 جنيه ***


  بعد ما تستلموا هديتكم القيمة شرفونى بقراءة كتابى “إشراقة روح 1” …أتشرف بمتابعتكم وأسألكم الدعاء 🙂

لينك تحميل كتاب “إشراقة روح 1”:

 http://kotobna.net/Book/Details?bookID=816

سلسلة كتب “إشراقة روح” هى أول سلسلة لكتب تفاعلية توظف الكاريكاتير والشعر والتنمية البشرية فى التعمق فى فهم ودارسة آيات القرآن الكريم. وهذا الكتاب هو الأول فى هذه السلسلة: إشراقة روح (1) – تأملات فى قوله تعالىفلا اقتحم العقبة” – نحو علاقة أعمق بالقرآن الكريم.

 

 

 

كتاب-إشراقة-روح-هبة-الله-حسنى-صورة
#المبدعة_الربانية   #كتاب_إشراقة_روح1    #سلسلة_كتب_إشراقة_روح